Sheteldik investorlar Otyrar aýdanynda júgerini tereń óńdep, bioetanol óndiretin zaýyt turǵyzýǵa nietti. Búgin aýdan ákimi Erlan Aitahanov aýdandaǵy indýstrialdyq aimaqta bolyp, shet elden kelgen investorlarmen kezdesti. Kezdesýde aýdan basshysy oblystaǵy Túrkisib temir jol magistralyna qosylǵan birden-bir indýstrialdyq aimaqtyń ereksheligin atap ótti. Ondaǵy infraqurylym aimaqtan salynatyn kásiporyndarǵa óte tiimdi bolmaq.
Aita ketsek, aýdandaǵy indýstrialdyq aimaqtyń aýmaǵy 97,0 gektardy quraidy. Mundaǵy kásiporyndarǵa birden-bir qajetti infraqurylym, temir jol tuiyǵy men elektr jelisi bolsa, atalǵan infraqurylymdarmen qamtamasyz etý maqsatynda aýqymdy jumystar atqarylýda. Taǵy da aita keter jait aýdanymyzda gazdandyrý jumystary júrip jatqany belgili. Iaǵni, 2019 jyly gaz qurylysy osy aimaqqa da kelip jetedi. Eń bastysy,indýstrialdy aimaq temir joldyń boiynda ornalasqan. Iaǵni, osy jol kásiporyndardy Eýropa men Reseige, Qytai men Ózbekstan arqyly basqa da eldermen jalǵastyrady. Sonymen qatar Batys Eýropa-Batys Qytai avtobany 40 km jerden ótip jatyr. Qazirgi tańda indýstrialdy aimaqta «Aziia agro» JShS-i men «Otyrar Dán» JShS-niń júgeri qabyldap, saqtap, keptirý keshenderi jumys isteidi.
Sonymen qatar Otyrar aýdanynyń ákimdiginiń usynysymen QR aýyl sharýashylyǵy ministrligi sý resýrstary komitetiniń qoldaýymen keler jyly "Qyzylqum massivi" jobasynyń III-IV kezeńi júzege asady dep kútilýde. Iaǵni, egistik alqapty keńeitý, sýlandyrý maqsatynda qolǵa alynǵan bul joba boiynsha 120 km sozylyp jatqan "Qyzylqum" kanalyn 61 km-ge deiin uzartyp, betonmen qaptaý jumystary júrgiziledi. Bul kanaldan sekýndyna 100 kýb sý ótedi. Eger joba júzege asqan jaǵdaida Otyrar aýdany aýmaǵyndaǵy 48 myń gektar jer sýlandyrylatyn bolady. Osylaisha ekologiialyq taza ónim bioetanol óndirý úshin shikizat jetkilikti kólemde óndiriledi.
Belgili metsenat, iri kásipker, jerlesimiz Serikjan Seiitjanov sheteldik investorlarmen birlese otyryp salatyn kásiporynnyń bolashaǵy zor bolady dep senemiz. Bul kásiporyn aýdan biýdjetine túsetin kiristi molaitýmen qatar kóptegen otyrarlyqtardy jańa jumys ornymen qamtamasyz etedi.
Otyrar aýdany ákimdiginiń baspasóz qyzmeti
