شەتەلدٸك ينۆەستورلار وتىرار اۋدانىندا جٷگەرٸنٸ تەرەڭ ٶڭدەپ, بيوەتانول ٶندٸرەتٸن زاۋىت تۇرعىزۋعا نيەتتٸ. بٷگٸن اۋدان ەكٸمٸ ەرلان ايتاحانوۆ اۋدانداعى يندۋستريالدىق ايماقتا بولىپ, شەت ەلدەن كەلگەن ينۆەستورلارمەن كەزدەستٸ. كەزدەسۋدە اۋدان باسشىسى وبلىستاعى تٷركٸسٸب تەمٸر جول ماگيسترالىنا قوسىلعان بٸردەن-بٸر يندۋستريالدىق ايماقتىڭ ەرەكشەلٸگٸن اتاپ ٶتتٸ. ونداعى ينفراقۇرىلىم ايماقتان سالىناتىن كەسٸپورىندارعا ٶتە تيٸمدٸ بولماق.
ايتا كەتسەك, اۋدانداعى يندۋستريالدىق ايماقتىڭ اۋماعى 97,0 گەكتاردى قۇرايدى. مۇنداعى كەسٸپورىندارعا بٸردەن-بٸر قاجەتتٸ ينفراقۇرىلىم, تەمٸر جول تۇيىعى مەن ەلەكتر جەلٸسٸ بولسا, اتالعان ينفراقۇرىلىمدارمەن قامتاماسىز ەتۋ ماقساتىندا اۋقىمدى جۇمىستار اتقارىلۋدا. تاعى دا ايتا كەتەر جايت اۋدانىمىزدا گازداندىرۋ جۇمىستارى جٷرٸپ جاتقانى بەلگٸلٸ. ياعني, 2019 جىلى گاز قۇرىلىسى وسى ايماققا دا كەلٸپ جەتەدٸ. ەڭ باستىسى,يندۋستريالدى ايماق تەمٸر جولدىڭ بويىندا ورنالاسقان. ياعني, وسى جول كەسٸپورىنداردى ەۋروپا مەن رەسەيگە, قىتاي مەن ٶزبەكستان ارقىلى باسقا دا ەلدەرمەن جالعاستىرادى. سونىمەن قاتار باتىس ەۋروپا-باتىس قىتاي اۆتوبانى 40 كم جەردەن ٶتٸپ جاتىر. قازٸرگٸ تاڭدا يندۋستريالدى ايماقتا «ازييا اگرو» جشس-ٸ مەن «وتىرار دەن» جشس-نٸڭ جٷگەرٸ قابىلداپ, ساقتاپ, كەپتٸرۋ كەشەندەرٸ جۇمىس ٸستەيدٸ.
سونىمەن قاتار وتىرار اۋدانىنىڭ ەكٸمدٸگٸنٸڭ ۇسىنىسىمەن قر اۋىل شارۋاشىلىعى مينيسترلٸگٸ سۋ رەسۋرستارى كوميتەتٸنٸڭ قولداۋىمەن كەلەر جىلى "قىزىلقۇم ماسسيۆٸ" جوباسىنىڭ ٸٸٸ-ٸV كەزەڭٸ جٷزەگە اسادى دەپ كٷتٸلۋدە. ياعني, ەگٸستٸك القاپتى كەڭەيتۋ, سۋلاندىرۋ ماقساتىندا قولعا الىنعان بۇل جوبا بويىنشا 120 كم سوزىلىپ جاتقان "قىزىلقۇم" كانالىن 61 كم-گە دەيٸن ۇزارتىپ, بەتونمەن قاپتاۋ جۇمىستارى جٷرگٸزٸلەدٸ. بۇل كانالدان سەكۋندىنا 100 كۋب سۋ ٶتەدٸ. ەگەر جوبا جٷزەگە اسقان جاعدايدا وتىرار اۋدانى اۋماعىنداعى 48 مىڭ گەكتار جەر سۋلاندىرىلاتىن بولادى. وسىلايشا ەكولوگييالىق تازا ٶنٸم بيوەتانول ٶندٸرۋ ٷشٸن شيكٸزات جەتكٸلٸكتٸ كٶلەمدە ٶندٸرٸلەدٸ.
بەلگٸلٸ مەتسەنات, ٸرٸ كەسٸپكەر, جەرلەسٸمٸز سەرٸكجان سەيٸتجانوۆ شەتەلدٸك ينۆەستورلارمەن بٸرلەسە وتىرىپ سالاتىن كەسٸپورىننىڭ بولاشاعى زور بولادى دەپ سەنەمٸز. بۇل كەسٸپورىن اۋدان بيۋدجەتٸنە تٷسەتٸن كٸرٸستٸ مولايتۋمەن قاتار كٶپتەگەن وتىرارلىقتاردى جاڭا جۇمىس ورنىمەن قامتاماسىز ەتەدٸ.
وتىرار اۋدانى ەكٸمدٸگٸنٸڭ باسپاسٶز قىزمەتٸ
