Sheteldik bankter Qazaqstanda «bir ótinish» qaǵidaty boiynsha óz filialdaryn asha alady, dep habarlaidy "Ult aqparat".
Dúniejúzilik saýda uiymyna kirý kezinde qabyldanǵan mindettemelerdi iske asyrý aiasynda 2020 jyldyń 16 jeltoqsannan bastap Qazaqstan Respýblikasynyń aýmaǵynda sheteldik bankterdiń, saqtandyrý (qaita saqtandyrý) uiymdarynyń jáne saqtandyrý brokerleriniń filialdaryn ashýǵa ruqsat berildi.
Qazaqstan Respýblikasynyń aýmaǵynda qyzmetin bastaý úshin sheteldik qarjy uiymy QR Qarjy naryǵyn retteý jáne damytý agenttiginde filial ashýǵa ruqsat alýǵa tiis, odan keiin filial Agenttiktiń tiisti litsenziiasyn alady.
Sheteldik qarjy uiymyna filial ashý jáne qyzmetin bastaý úshin mynadai talaptar qoiylatyn bolady:
rezidenttik eliniń aýmaǵynda banktiń nemese saqtandyrý (qaita saqtandyrý) qyzmetin júzege asyrýǵa qoldanystaǵy litsenziiasy bar;
filial tarapynan mindettemeler oryndalmaǵan jaǵdailarda, mindettemelerdi sózsiz jáne dereý oryndaý týraly jazbasha mindetteme usyndy;
sheteldik bank aktivteriniń eń az kólemi 20 mlrd AQSh dollaryn quraidy;
sheteldik saqtandyrý (qaita saqtandyrý) uiymy aktivteriniń eń az kólemi 5 mlrd AQSh dollaryn quraidy, bul rette jumys tájiribesi 10 jyldan kem bolmaýǵa tiis.
Sheteldik uiym filialdarynyń basshy qyzmetkerleri retinde taǵaiyndalatyn kandidattar úshin – joǵary bilimniń, iskerlik bedeliniń minsiz (ótelmegen nemese alynbaǵan sottylyǵynyń bolmaýy), halyqaralyq qarjy uiymdaryndaǵy eńbek ótiliniń bolýy mindetti.
Bul rette sheteldik qarjy uiymynyń filialy basshy qyzmetkerleriniń quramynda QR keminde 2 azamaty bolýǵa tiis. Sheteldik bankterdiń, saqtandyrý (qaita saqtandyrý) uiymdarynyń jáne saqtandyrý brokerleriniń filialdary úshin de qazaqstandyq qarjy uiymdaryna qatysty qoldanylatyn retteý talaptary qoldanylady.
Osyǵan bailanysty sheteldik qarjy uiymdarynyń filialdary prýdentsiialyq normativterdiń jáne bankter men saqtandyrý uiymdaryna qoiylatyn saqtalýy mindetti ózge de talaptardyń tolyq tizbesin saqtaýǵa tiis.
