Foto: Tengrinews.kz/Álihan Sariev
Halyqaralyq Túrki akademiiasynyń (HTA) vitse-prezidenti Fizýli Madjidli Nur-Sultanda Konstitýtsiiaǵa túzetýler men tolyqtyrýlar engizý boiynsha daýys berý bastalǵan kezde sailaý ýchaskelerine barǵanyn aitty, - dep habarlaidy Tengrinews.kz.
"Biz Halyqaralyq Túrki akademiiasynyń baqylaýshy missiiasy sanalamyz. Qazirdiń ózinde 9 sailaý ýchaskesin aralap shyqtyq, missiiamyz jalǵasady. Qazirgi ýaqytta referendýmǵa halyqtyń qyzyǵýshylyǵy bar jáne qyzyǵýshylyq óte joǵary dep jaýap bere alamyz. Biz Qazaqstanda sailaý quqyǵynyń buzylý jaǵdailaryn tappadyq. Bizdiń oiymyzsha, Qazaqstannyń OSK jáne basqa da ýákiletti organdary barlyq normany saqtaidy.
Biz birneshe sailaý ýchaskesin araladyq. Qazaqstannyń qonaqjailylyǵyna kýá boldyq", - dedi Madjidli brifingte.
Ol HTA túrki álemindegi gýmanitarlyq jáne ǵylymi yntymaqtastyqty úilestiretinin túsindirdi.
"Osy sebepti túrki áleminiń akademiialyq qaýymdastyǵy Qazaqstandaǵy referendýmdy joǵary qyzyǵýshylyqpen baqylap otyr dep aita alamyn. Qazirgi geosaiasi turaqsyzdyq jaǵdaiynda túrki elderiniń birligi men yntymaǵy óte berik bolýy kerek dep esepteimiz. Biz baqylaý missiiamyzdy kúni boiy jalǵastyramyz jáne Qazaqstanda jaǵdai turaqty bolady dep úmittenemiz.
Qazaqstan - bizdiń Otanymyz, iaǵni biz - túrki memleketteri úshin ol bóten jer emes. Túrki memleketteri úshin, Ázerbaijan úshin Qazaqstannyń róli óte mańyzdy, al Qazaqstandaǵy referendým men reformalar Túrkiia, Ázerbaijan jáne basqa da túrki memleketteri úshin óte mańyzdy", - dep qosty ol.
