Búgin Nur-Sultan áýejaiyna bortynda 521 jolaýshysy men 48 ekipaj múshesi bar Scat, Velavia jáne Air Astana áýe kompaniiasynyń ushaqtary kelip qondy.
Olar Sharm-el-sheihten (charterlik), Minsk, Dýbai Jáne Ystanbul qalalarynan ushqan, dep habarlaidy QazAqparat áýejaidyń baspasóz qyzmetine silteme jasap.
123 jolaýshynyń koronavirýsqa PTR testi bolmaǵadyqtan, olar aýrýhanaǵa jatqyzyldy. Túrkiiadan jáne Belarýstan kelgen eki jolaýshy deportatsiialandy. Jolaýshylarda joǵary dene qyzýy bolmaǵan. PTR test tapsyrǵannan keiin jolaýshylar úilerine jiberiledi. Eger test oń nátije kórsetken jaǵdaida, infektsiialyq aýrýhanaǵa jatqyzylady.
Eske sala keteiik, QR Bas sanitarlyq dárigeri Erlan Qiiasovtyń memlekettik shekaradaǵy ótkizý pýnkterinde koronavirýs infektsiiasynyń aldyn alý sharalaryn odan ári kúsheitý týraly jańa qaýlysy 6 qazanda saǵat 00:00-de kúshine endi.
Jańa erejelerge sáikes birqatar shekteýler qoldanylady.
Qazaqstanǵa shetelden kelgen ushaq jolaýshylarynyń barlyǵy termometriiadan ótip, saýalnamaǵa jaýap beredi jáne COVID-19-ǵa qarsy PTR-testiniń oń nátijesi týraly anyqtamany usynýy tiis. Qazaqstan Respýblikasynyń memlekettik shekarasynan ótý kezinde 72 saǵattan aspaǵan anyqtama ǵana jaramdy.
Sondai-aq Qazaqstan azamattyǵy joq adamdarda anyqtama bolmaǵan jaǵdaida olardyń elge kirýine tyiym salynady. Qolynda anyqtamasy bar jáne dene qyzýy qalypty jolaýshylarǵa COVID belgileri túsindirilip, sapardy jalǵastyrýyna ruqsat etiledi.
Dene qyzýy joǵarylaǵan jolaýshylar qolynda anyqtamasynyń bolýyna qaramastan, karantindik statsionarǵa eki kúnge jatqyzylyp, zerthanalyq tekserý júrgizý úshin oqshaýlanady.
COVID-19 zerthanalyq zertteý nátijesin alǵannan keiin testtiń oń nátijesi bar adamdar juqpaly aýrýlar aýrýhanasyna aýystyrylady. Elge kelgen Qazaqstan azamattarynyń qolynda anyqtama bolmasa, 2 kún boiy karantindik statsionarda oqshaýlanady.
