14 qańtar kúni Qazaqstan aýmaǵyna Niderlandy, Maldiv, BAÁ, Mysyr, Túrkiia, Resei jáne Ózbekstannan 13 halyqaralyq áýe reisi qondy, dep habarlaidy "Ult aqparat".
QR Densaýlyq saqtaý ministrligi Sanitariialyq-epidemiologiialyq baqylaý komitetiniń málimetinshe, ótken bir táýlikte elimizge barlyǵy 2 053 jolaýshy ushyp kelgen. Olardyń arasynda 1 773 adamda koronavirýsqa PTR-testileýdiń teris nátijesi bar anyqtama bolǵan. Qalǵan 280-i anyqtamasyz kelgen, olardyń barlyǵy da QR azamattary.
Atap aitqanda:
- Nur-Sultan qalasynyń áýejaiyna – shetelden barlyǵy 6 reis qondy, 750 jolaýshy, onyń ishinde anyqtamamen – 644, anyqtamasyz - 106;
- Almaty qalasynyń áýejaiyna – 5 reis, 1 095 jolaýshy, anyqtamamen - 948, anyqtamasyz - 147;
- Atyraý qalasynyń áýejaiyna – 2 reis, 208 jolaýshy, anyqtamamen - 181, anyqtamasyz - 27.
«Anyqtamasyz kelgen Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde», - delingen aqparatta.
Sondai-aq málim etilgendei, 13 qańtar kúni shetelden Qazaqstanǵa PTR-anyqtamasyz ushyp kelgen 94 azamattyń test nátijesi belgili boldy. Oǵan sáikes, «Dýbai – Nur-Sultan» reisiniń – 1, «Sharm-el-Sheih – Nur-Sultan» reisiniń 1 jolaýshysynan koronavirýs anyqtaldy.
