22 qazan túninde 10 halyqaralyq reispen 1383 jolaýshy kelgen. Sonyń ishinde 1230 jolaýshynyń PTR-anyqtamasy bolsa, qazaqstandyq 153 adamnyń tiisti anyqtamasy bolǵan joq. Bul týraly Kóliktegi Bas memlekettik sanitarlyq dáriger Sádýaqas Baiǵabylov aitty, dep habarlaidy "Ult aqparat".
«Túrkiiadan Shymkentke kelgen barlyq áýe jolaýshylarynyń COVID-19 virýsyna tapsyrǵan PTR-anyqtamalary boldy. 10 halyqaralyq áýe reisi, 1383 jolaýshy ushyp keldi. Sonyń ishinde 1230 adamnyń anyqtamasy bar bolsa, Qazaqstannyń 153 azamaty anyqtamasyz ushqan, sonyń ishinde: Nur-Sultanǵa – 3 áýe reisi keldi, onda 398 jolaýshysy bolǵan, anyqtamamen – 361 adam, anyqtamasyz – 37 adam. Almaty qalasyna ushyp qonǵan 6 áýe reisimen 899 jolaýshy kelgen. Sonyń ishinde 783 adamnyń anyqtamasy bar bolsa, 116 adam anyqtamasyz ushyp keldi», - dedi Sádýaqas Baiǵabylov jelidegi paraqshasynda.
Onyń aitýynsha, Qazaqstanǵa arnaiy anyqtamasyz ushyp kelgen el azamattary PTR taldaý tapsyrý úshin Nur-Sultan jáne Almaty qalalarynda tegin karantindik statsionarlarǵa jatqyzylady.
«Karantinge jatqyzylǵan Qazaqstan azamattary PTR qorytyndysyn taldaý tapsyrylǵan kezden 5-6 saǵat ótken soń alady. Jolaýshylar halyqaralyq áýe reisterimen BAÁ, Túrkiia, Ýkraina, Belarýs, Reseiden ushyp kelgen edi. PTR test tapsyrý týraly anyqtama qaǵaz úlgisinde de, elektrondyq tasymaldaýshyda da (smartfon) jaramdy», - dep tolyqtyrdy ol.
