22 قازان تٷنٸندە 10 حالىقارالىق رەيسپەن 1383 جولاۋشى كەلگەن. سونىڭ ٸشٸندە 1230 جولاۋشىنىڭ پتر-انىقتاماسى بولسا, قازاقستاندىق 153 ادامنىڭ تيٸستٸ انىقتاماسى بولعان جوق. بۇل تۋرالى كٶلٸكتەگٸ باس مەملەكەتتٸك سانيتارلىق دەرٸگەر سەدۋاقاس بايعابىلوۆ ايتتى, دەپ حابارلايدى "ۇلت اقپارات".
«تٷركييادان شىمكەنتكە كەلگەن بارلىق ەۋە جولاۋشىلارىنىڭ COVID-19 ۆيرۋسىنا تاپسىرعان پتر-انىقتامالارى بولدى. 10 حالىقارالىق ەۋە رەيسٸ, 1383 جولاۋشى ۇشىپ كەلدٸ. سونىڭ ٸشٸندە 1230 ادامنىڭ انىقتاماسى بار بولسا, قازاقستاننىڭ 153 ازاماتى انىقتاماسىز ۇشقان, سونىڭ ٸشٸندە: نۇر-سۇلتانعا – 3 ەۋە رەيسٸ كەلدٸ, وندا 398 جولاۋشىسى بولعان, انىقتامامەن – 361 ادام, انىقتاماسىز – 37 ادام. الماتى قالاسىنا ۇشىپ قونعان 6 ەۋە رەيسٸمەن 899 جولاۋشى كەلگەن. سونىڭ ٸشٸندە 783 ادامنىڭ انىقتاماسى بار بولسا, 116 ادام انىقتاماسىز ۇشىپ كەلدٸ», - دەدٸ سەدۋاقاس بايعابىلوۆ جەلٸدەگٸ پاراقشاسىندا.
ونىڭ ايتۋىنشا, قازاقستانعا ارنايى انىقتاماسىز ۇشىپ كەلگەن ەل ازاماتتارى پتر تالداۋ تاپسىرۋ ٷشٸن نۇر-سۇلتان جەنە الماتى قالالارىندا تەگٸن كارانتيندٸك ستاتسيونارلارعا جاتقىزىلادى.
«كارانتينگە جاتقىزىلعان قازاقستان ازاماتتارى پتر قورىتىندىسىن تالداۋ تاپسىرىلعان كەزدەن 5-6 ساعات ٶتكەن سوڭ الادى. جولاۋشىلار حالىقارالىق ەۋە رەيستەرٸمەن باە, تٷركييا, ۋكراينا, بەلارۋس, رەسەيدەن ۇشىپ كەلگەن ەدٸ. پتر تەست تاپسىرۋ تۋرالى انىقتاما قاعاز ٷلگٸسٸندە دە, ەلەكتروندىق تاسىمالداۋشىدا دا (سمارتفون) جارامدى», - دەپ تولىقتىردى ول.
