3 qańtarda PTR-anyqtamasyz kelgen 6 qazaqstandyqtan COVID-19 anyqtaldy, dep habarlaidy "Ult aqparat".
Sanitariialyq-epidemiologiialyq baqylaý komitetiniń málimetinshe, 4 qańtarda Qazaqstan Respýblikasynyń aýmaǵyna Maldiv Respýblikasy, Túrkiia, BAÁ, Belarýs Respýblikasynan 9 halyqaralyq áýe reisi kelgen.
815 jolaýshynyń ishinde PTR-testileýdiń teris nátijesi bar anyqtamamen 653 adam, anyqtamasyz 162 QR azamattary keldi.
Onyń ishinde:
- Almaty qalasynyń áýejaiyna – 6 reis, 569 jolaýshy; anyqtamamen – 434, anyqtamasyz - 135;
- Nur-Sultan qalasynyń áýejaiyna – 2 reis, 100 jolaýshy; anyqtamamen - 79, anyqtamasyz - 21;
- Aqtaý qalasynyń áýejaiyna – 1 reis, 146 jolaýshy; anyqtamamen - 140, anyqtamasyz - 6.
Anyqtamasyz kelgen Qazaqstan azamattary kelgen jeri boiynsha COVID-19-ǵa PTR ádisimen testilendi jáne karantin statsionarynda óz nátijesin kútip otyr.
2021 jyldyń 3 qańtarda anyqtamasyz kelgen 532 QR azamattarynyń PTR-taldaý nátijesi boiynsha 6 jolaýshydan koronavirýs anyqtaldy.
Onyń ishinde 3 jolaýshy Dýbai – Almaty reisimen, 2 jolaýshy Male – Almaty reisimen, 1 jolaýshy Stambýl – Almaty reisimen kelgen.
