Qazaqstanǵa shetelden ushyp kelgen 484 jolaýshyda koronavirýspen aýyrmaityny PTR testpen dáleldengen anyqtama bolmaǵan. Bul týraly Ortalyq kommýnikatsiialar ortalyǵynda ótken onlain brifingide QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy QazAqparat.
«6 qazannan bastap Qazaqstanǵa shetelden keletinder koronavirýspen aýyrmaityny PTR testpen dáleldengen anyqtama ákelýi kerek degen sheshim qabyldanǵan. Mundai anyqtamasy joqtar 2 táýlikke karantindik statsionarǵa jatqyzylady. Birinshi táýlik ishinde Nur-Sultan qalasyna 510 jolaýshy ushyp keldi, onyń 177-i karantinge jatqyzyldy. Almatyǵa ushyp kelgen 1 228 jolaýshynyń 278-y anyqtamasyz kelgen. Olar da karantinge jatqyzyldy. Atyraý qalasyna ushyp kelgen 28 adam karantindik statsionarǵa jatqyzyldy. Sonymen birinshi táýlik ishinde elimizge 1 912 jolaýshy ushyp kelse, 1428-inde koronavirýspen aýyrmaityny týraly anyqtama bolsa, 484 jolaýshyda ondai anyqtama bolmaǵan», - deidi QR Densaýlyq saqtaý ministrliginiń resmi ókili Baǵdat Qojahmetov.
Onyń aitýynsha, 483 jolaýshy eki kúndik karantinge jatqyzylǵan. Anyqtamasy joq jolaýshylardyń bireýi konsýl qyzmetiniń ókili bolǵan. Talap boiynsha ol úi jaǵdaiyndaǵy karantinde boldy.
