قازاقستانعا شەتەلدەن ۇشىپ كەلگەن 484 جولاۋشىدا كوروناۆيرۋسپەن اۋىرمايتىنى پتر تەستپەن دەلەلدەنگەن انىقتاما بولماعان. بۇل تۋرالى ورتالىق كوممۋنيكاتسييالار ورتالىعىندا ٶتكەن ونلاين بريفينگٸدە قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتتى, دەپ حابارلايدى قازاقپارات.
«6 قازاننان باستاپ قازاقستانعا شەتەلدەن كەلەتٸندەر كوروناۆيرۋسپەن اۋىرمايتىنى پتر تەستپەن دەلەلدەنگەن انىقتاما ەكەلۋٸ كەرەك دەگەن شەشٸم قابىلدانعان. مۇنداي انىقتاماسى جوقتار 2 تەۋلٸككە كارانتيندٸك ستاتسيونارعا جاتقىزىلادى. بٸرٸنشٸ تەۋلٸك ٸشٸندە نۇر-سۇلتان قالاسىنا 510 جولاۋشى ۇشىپ كەلدٸ, ونىڭ 177-ٸ كارانتينگە جاتقىزىلدى. الماتىعا ۇشىپ كەلگەن 1 228 جولاۋشىنىڭ 278-ى انىقتاماسىز كەلگەن. ولار دا كارانتينگە جاتقىزىلدى. اتىراۋ قالاسىنا ۇشىپ كەلگەن 28 ادام كارانتيندٸك ستاتسيونارعا جاتقىزىلدى. سونىمەن بٸرٸنشٸ تەۋلٸك ٸشٸندە ەلٸمٸزگە 1 912 جولاۋشى ۇشىپ كەلسە, 1428-ٸندە كوروناۆيرۋسپەن اۋىرمايتىنى تۋرالى انىقتاما بولسا, 484 جولاۋشىدا ونداي انىقتاما بولماعان», - دەيدٸ قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ.
ونىڭ ايتۋىنشا, 483 جولاۋشى ەكٸ كٷندٸك كارانتينگە جاتقىزىلعان. انىقتاماسى جوق جولاۋشىلاردىڭ بٸرەۋٸ كونسۋل قىزمەتٸنٸڭ ٶكٸلٸ بولعان. تالاپ بويىنشا ول ٷي جاعدايىنداعى كارانتيندە بولدى.
