Qazaqstan áýejailarynda ózge elde júrgizilgen PTR testiniń nátijesi qabyldanady. Bul týraly QR Bas memlekettik sanitar dáriger Aijan Esmaǵambetovanyń №37 Qaýlysynda ruqsat berilgen, – dep habarlaidy QazAqparat.
«10 mamyrdaǵy №36 Qaýlyma ózgerister engizip, 22 mamyrda №37 Qaýlymdy shyǵardym. Qaýly boiynsha birinshiden, shetelden áýe reisimen kelgen adamdar, iaǵni Qazaqstan Respýblikasynyń memlekettik shekarasynan bes kúnnen keshikpei ótýine berilgen PTR nátijesi teris anyqtama bolsa, bul adamdar 14 kúnge úide oqshaýlanady. Olar COVID-19 tekserilý úshin 2 kún statsionarǵa jatqyzylmaidy. Ekinshiden, josparly meditsinalyq qyzmet kórsetý jumysy qaita bastaldy. Biz oǵan ruqsat berdik», - dedi bas sanitarlyq dáriger QR Densaýlyq saqtaý miinstrliginiń Feisbýktegi baspasóz máslihatynda.
Iaǵni, jańa Qaýly boiynsha áýejailarda ózge elde jasalǵan PTR testi nátijesi óz kúshinde bolady.
«Ózge elde jasalǵan PTR anyqtamalaryn moiyndaý - qazaqstandyqtardy elge qaitarý sharalarynyń bir bóligi. Iaǵni memleket áli kúnge deiin elge oralǵysy keletin azamattardy qaitaryp jatyr. Olardyń kópshiliginde shet elderden alynǵan PTR anyqtamasy bar. Bárin karantindik statsionarǵa jibermeý úshin sol anyqtamalardy qabyldaimyz. Bul ruqsattama tek qana áýejailarda berilgen, áýe reisimen kelgen azamattardyń ǵana sheteldik PTR anyqtamasy qabyldanady», - dep túsindirdi A. Esmaǵambetova.
