قازاقستان ەۋەجايلارىندا ٶزگە ەلدە جٷرگٸزٸلگەن پتر تەستٸنٸڭ نەتيجەسٸ قابىلدانادى. بۇل تۋرالى قر باس مەملەكەتتٸك سانيتار دەرٸگەر ايجان ەسماعامبەتوۆانىڭ №37 قاۋلىسىندا رۇقسات بەرٸلگەن, – دەپ حابارلايدى قازاقپارات.
«10 مامىرداعى №36 قاۋلىما ٶزگەرٸستەر ەنگٸزٸپ, 22 مامىردا №37 قاۋلىمدى شىعاردىم. قاۋلى بويىنشا بٸرٸنشٸدەن, شەتەلدەن ەۋە رەيسٸمەن كەلگەن ادامدار, ياعني قازاقستان رەسپۋبليكاسىنىڭ مەملەكەتتٸك شەكاراسىنان بەس كٷننەن كەشٸكپەي ٶتۋٸنە بەرٸلگەن پتر نەتيجەسٸ تەرٸس انىقتاما بولسا, بۇل ادامدار 14 كٷنگە ٷيدە وقشاۋلانادى. ولار COVID-19 تەكسەرٸلۋ ٷشٸن 2 كٷن ستاتسيونارعا جاتقىزىلمايدى. ەكٸنشٸدەن, جوسپارلى مەديتسينالىق قىزمەت كٶرسەتۋ جۇمىسى قايتا باستالدى. بٸز وعان رۇقسات بەردٸك», - دەدٸ باس سانيتارلىق دەرٸگەر قر دەنساۋلىق ساقتاۋ ميينسترلٸگٸنٸڭ فەيسبۋكتەگٸ باسپاسٶز مەسليحاتىندا.
ياعني, جاڭا قاۋلى بويىنشا ەۋەجايلاردا ٶزگە ەلدە جاسالعان پتر تەستٸ نەتيجەسٸ ٶز كٷشٸندە بولادى.
«ٶزگە ەلدە جاسالعان پتر انىقتامالارىن مويىنداۋ - قازاقستاندىقتاردى ەلگە قايتارۋ شارالارىنىڭ بٸر بٶلٸگٸ. ياعني مەملەكەت ەلٸ كٷنگە دەيٸن ەلگە ورالعىسى كەلەتٸن ازاماتتاردى قايتارىپ جاتىر. ولاردىڭ كٶپشٸلٸگٸندە شەت ەلدەردەن الىنعان پتر انىقتاماسى بار. بەرٸن كارانتيندٸك ستاتسيونارعا جٸبەرمەۋ ٷشٸن سول انىقتامالاردى قابىلدايمىز. بۇل رۇقساتتاما تەك قانا ەۋەجايلاردا بەرٸلگەن, ەۋە رەيسٸمەن كەلگەن ازاماتتاردىڭ عانا شەتەلدٸك پتر انىقتاماسى قابىلدانادى», - دەپ تٷسٸندٸردٸ ا. ەسماعامبەتوۆا.
