QR Bas memlekettik sanitar dáriger Aijan Esmaǵambetovanyń bekitken qaýlysy boiynsha, Qazaqstanǵa shetelden keletin barlyq adam 2 táýlikke deiin COVID-19-ǵa zerthanalyq tekserý júrgizý úshin karantin statsionarynda oqshaýlanýy kerek, dep habarlaidy "Ult aqparat".
Qaýlyǵa sáikes, elge kiretin jerde shekteý is-sharalary qabyldandy.
Oblystardyń, Almaty, Nur-Sultan, Shymkent qalalarynyń ákimi, densaýlyq saqtaý basqarmalarynyń basshylaryna Qazaqstanǵa shetelden keletin barlyq adamdy 2 táýlikke deiin COVID-19-ǵa zerthanalyq tekserý júrgizý úshin karantindik statsionarda oqshaýlaýdy qamtamasyz etý tapsyryldy.
Sondai-aq, EAEO elderinen jáne Ózbekstan Respýblikasynan Qazaqstan Respýblikasynyń Memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly keletin adamdar da eki táýlikke oqshaýlanady.
COVID-19 aýrýyn joqqa shyǵarmaityn belgileri bar adamdar karantindik statsionarǵa emes, provizorlyq statsionarǵa emdeýge jatqyzylady.
Qazaqstan Respýblikasynyń Memlekettik shekarasyn kesip ótýdiń 5 kúninen keshiktirilmei berilgen PTR ádisimen zerthanalyq tekserýdiń teris nátijesi bar COVID-19-ǵa tekserilgeni týraly anyqtama bergen, aviareispen shet elden kelgen adamdar úide 14 táýlik boiy oqshaýlanady. Úide oqshaýlaýǵa jaǵdai bolmasa karantindik statsionarda oqshaýlaý usynylady. Bul rette bul adamdar COVID-19-ǵa zerthanalyq tekserý júrgizý úshin 2 táýlikke deiin karantindik statsionarda oqshaýlanbaidy.
COVID-19-ǵa zerthanalyq tekserý nátijelerin alǵannan keiin oń nátijeli adamdar emdeý úshin infektsiialyq statsionarǵa aýystyrylady, COVID-19-ǵa teris nátijeli adamdar 12 táýlik boiy úide oqshaýlanady.
Úide oqshaýlaý úshin jaǵdai bolmaǵan kezde jergilikti atqarýshy organdar aiqyndaǵan úi-jaida oqshaýlaý usynylady.
