Sheteldegi qazaqtardyń statýsyn anyqtaý týraly zań jobasy pysyqtalýda. Bul týraly «Otandastar qory» KEAQ vitse-prezidenti Maǵaýiia Sarbasov aityp berdi, dep habarlaidy QazAqparat.
«Shet elderdegi qazaqtardy qorǵaý týraly zań qabyldaý josparlanyp otyr ma?», - degen suraq qoiyldy spikerge Ortalyq kommýnikatsiialar qyzmetindegi baspasóz máslihatynda.
«Shet elderdegi qazaqtar basqa eldiń azamaty bolǵandyqtan, olardyń múddelerin qorǵaý durys emes shyǵar. Olarmen mádeni-gýmanitarlyq, bilim bailanysyn ornatý – basqa másele. Degenmen, qazir sheteldegi qazaqtardyń statýsyn anyqtaý týraly zań jobasy pysyqtalýda. Oǵan óz usynystarymyzdy tiisti memlekettik mekemelerge bergen edik», - dep jaýap berdi M. Sarbasov.
Onyń aitýynsha, «Otandastar» qory janynan qurylǵan koǵamdyq komissiiada bul máseleniń barlyǵy talqylanǵan.
«Sol komissiia negizinde 400-ge jýyq usynysymyz tiisti ministrlikterge berildi. Qazir ol endi adam taǵdyryna bailanysty bolǵandyqtan, memlekettik jumysqa bailanysty bolǵandyqtan, zań qabyldaý máselesi óte kúrdeli ǵoi. Ol Parlamentte qaralýy kerek, otyrystar, tyńdaýlar ótýi kerek. Bul jumystyń bári atqarylyp jatyr. Ony ázirshe aita almaimyn», - dedi Maǵaýiia Sarbasov.
