Koronavirýs infektsiiasymen kúres kezeńinde Qazaqstannyń 7 myńnan astam azamaty elge jetkizildi, dep habarlaidy QazAqparat.
Bul týraly QR Aqparat jáne qoǵamdyq damý ministri Dáýren Abaev málimdedi.
«Memlekettiń óz azamattaryna degen qamqorlyǵy osyndai qiyn kezde kórinedi. Prezidenttiń tapsyrmasymen, 18 naýryzdan bastap, sheteldegi 7702 Qazaqstan azamatyn memleket óz kúshimen elge ákeldi. Memleket taǵy 752 azamatty ákeledi. Bul Memleket basshysynyń erekshe baqylaýyndaǵy másele», - dedi ministr «Habar 24» telearnasyndaǵy onlain brifingte.
Buǵan deiin D. Abaev koronavirýs indetimen kúresip jatqan dárigerlerdiń aiyna 1 mln teńgege deiin ústemeaqy alatynyn aityp berdi.
