Qazaqstannyń shet elderdegi Elshilikterinde jumys isteitin qyzmetker arasynda koronavirýs juqtyrǵandar joq. Bul týraly QR Syrtqy ister ministrliginiń resmi ókili Aibek Smadiiarov aitty, dep habarlaidy "Ult aqparat".
«Qazaqstannyń árbir Elshiliginde jedel shtab qurylǵan. Olar qońyraýlar men elektrondy poshta arqyly ótimderdi qabyl alyp, kúni-túni jumys istep jatyr. Ótinish túsken sátten-aq olardy tekserip, konsýldyq esepke alamyz, jergilikti bilikpen bailanysamyz. Negizinen sol elderdiń Syrtqy ister ministrlikteri arqyly jumys istep jatyrmyz. Diplomattardyń eshqaisy virýs juqtyrǵan joq. Diplomatiialyq korpýs ókildikterimizden de koronovirýs juqtyrdy degen kúdigine ilikkender bolǵan emes. Degenmen, olar ózderiniń densaýlyqtaryna qater tóndire otyryp, aldyǵy shetpe jumys isteýde. Diplomattarymyz adamdar kóp jinalatyn áýejai siiaqty jerlerge óz kólikterimen jii baryp, azamattarymyzdy shyǵaryp salady», - dedi Aibek Smadiiarov.
Onyń atap ótýinshe, koronavirýs órship turǵan elderdegi diplomattardyń otbasylary úi rejimine aýystyrylǵan jáne eshqaida shyqpaidy. Balalardy qashyqtan bilim alýda nemese demalysqa jiberilgen.
«Densaýlyq saqtaý ministrliginiń shtabymen, ákimdiktermen tyǵyz jumys istep jatyrmyz. Búginnen bastap azamattarymyz elge orala bastaidy. Túrli elderde turaqty turatyn, jumys isteitin, oqityn azamattarymyz bar. Olardyń árqaisysy derbes sheshim qabyldaidy. Degenmen, biz olarǵa turyp jatqan elderiniń erejelerin saqtaýǵa jáne sol jerde qalýǵa keńes beremiz. Biraq, azamattarymyz elge oralýǵa niet bildirse, onda Úkimet olardy elge alyp keledi», - dedi Aibek Smadiiarov.
