قازاقستاننىڭ شەت ەلدەردەگٸ ەلشٸلٸكتەرٸندە جۇمىس ٸستەيتٸن قىزمەتكەر اراسىندا كوروناۆيرۋس جۇقتىرعاندار جوق. بۇل تۋرالى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ايتتى, دەپ حابارلايدى "ۇلت اقپارات".
«قازاقستاننىڭ ەربٸر ەلشٸلٸگٸندە جەدەل شتاب قۇرىلعان. ولار قوڭىراۋلار مەن ەلەكتروندى پوشتا ارقىلى ٶتٸمدەردٸ قابىل الىپ, كٷنٸ-تٷنٸ جۇمىس ٸستەپ جاتىر. ٶتٸنٸش تٷسكەن سەتتەن-اق ولاردى تەكسەرٸپ, كونسۋلدىق ەسەپكە الامىز, جەرگٸلٸكتٸ بيلٸكپەن بايلانىسامىز. نەگٸزٸنەن سول ەلدەردٸڭ سىرتقى ٸستەر مينيسترلٸكتەرٸ ارقىلى جۇمىس ٸستەپ جاتىرمىز. ديپلوماتتاردىڭ ەشقايسى ۆيرۋس جۇقتىرعان جوق. ديپلوماتييالىق كورپۋس ٶكٸلدٸكتەرٸمٸزدەن دە كورونوۆيرۋس جۇقتىردى دەگەن كٷدٸگٸنە ٸلٸككەندەر بولعان ەمەس. دەگەنمەن, ولار ٶزدەرٸنٸڭ دەنساۋلىقتارىنا قاتەر تٶندٸرە وتىرىپ, الدىعى شەتپە جۇمىس ٸستەۋدە. ديپلوماتتارىمىز ادامدار كٶپ جينالاتىن ەۋەجاي سيياقتى جەرلەرگە ٶز كٶلٸكتەرٸمەن جيٸ بارىپ, ازاماتتارىمىزدى شىعارىپ سالادى», - دەدٸ ايبەك سماديياروۆ.
ونىڭ اتاپ ٶتۋٸنشە, كوروناۆيرۋس ٶرشٸپ تۇرعان ەلدەردەگٸ ديپلوماتتاردىڭ وتباسىلارى ٷي رەجيمٸنە اۋىستىرىلعان جەنە ەشقايدا شىقپايدى. بالالاردى قاشىقتان بٸلٸم الۋدا نەمەسە دەمالىسقا جٸبەرٸلگەن.
«دەنساۋلىق ساقتاۋ مينيسترلٸگٸنٸڭ شتابىمەن, ەكٸمدٸكتەرمەن تىعىز جۇمىس ٸستەپ جاتىرمىز. بٷگٸننەن باستاپ ازاماتتارىمىز ەلگە ورالا باستايدى. تٷرلٸ ەلدەردە تۇراقتى تۇراتىن, جۇمىس ٸستەيتٸن, وقيتىن ازاماتتارىمىز بار. ولاردىڭ ەرقايسىسى دەربەس شەشٸم قابىلدايدى. دەگەنمەن, بٸز ولارعا تۇرىپ جاتقان ەلدەرٸنٸڭ ەرەجەلەرٸن ساقتاۋعا جەنە سول جەردە قالۋعا كەڭەس بەرەمٸز. بٸراق, ازاماتتارىمىز ەلگە ورالۋعا نيەت بٸلدٸرسە, وندا ٷكٸمەت ولاردى ەلگە الىپ كەلەدٸ», - دەدٸ ايبەك سماديياروۆ.
