Shetelde oqyǵan 2 myńnan astam stýdent Qazaqstandaǵy joǵary oqý oryndaryna aýysty. Bul týraly BǴM habarlady.
Bilim ministrliginiń habarlaýynsha, buǵan deiin sheteldik joǵary oqý oryndarynda óz betinshe oqyǵan qazaqstandyq stýdentterge Qazaqstandaǵy joǵary oqý oryndaryna aýysýǵa kómek jasalǵan.
«Stýdenterge qujattardy rásimdeý barysynda JOO-lardyń virtýaldy qabyldaý komissiialary arqyly jeńildetilgen format usynyldy. Sheteldik joǵary oqý oryndarynyń basym bóligi qazaqstandyq joo-lar siiaqty oqý jylyn qashyqtan bilim berý tehnologiialaryn paidalana otyryp bastady. Alaida, keibir sheteldik JOO-lar óz stýdentterine qashyqtan oqytýdy jalǵastyrý úshin platformalar usyna almady», - dedi ministrlik.
Tamyz aiynyń basynda BǴM oqýyn jalǵastyrý úshin ózine bailanysty emes sebepter boiynsha elden shyǵa almaǵan stýdentterge kómek kórsete bastaǵan.
«Aldyn ala qabyldanǵan sheshimderdiń arqasynda 2 myńnan astam qazaqstandyq stýdent eldegi joǵary oqý oryndaryna aýysýǵa niet bildirdi. Osy sanattaǵy azamattardy qoldaý maqsatynda arnaiy jedel jeli iske qosylyp, qujattardy qabyldaý protsedýrasy jeńildetildi», - dep tolyqtyrdy vedomstvo.
