شەتەلدە وقىعان 2 مىڭنان استام ستۋدەنت قازاقستانداعى جوعارى وقۋ ورىندارىنا اۋىستى. بۇل تۋرالى بعم حابارلادى.
بٸلٸم مينيسترلٸگٸنٸڭ حابارلاۋىنشا, بۇعان دەيٸن شەتەلدٸك جوعارى وقۋ ورىندارىندا ٶز بەتٸنشە وقىعان قازاقستاندىق ستۋدەنتتەرگە قازاقستانداعى جوعارى وقۋ ورىندارىنا اۋىسۋعا كٶمەك جاسالعان.
«ستۋدەنتەرگە قۇجاتتاردى رەسٸمدەۋ بارىسىندا جوو-لاردىڭ ۆيرتۋالدى قابىلداۋ كوميسسييالارى ارقىلى جەڭٸلدەتٸلگەن فورمات ۇسىنىلدى. شەتەلدٸك جوعارى وقۋ ورىندارىنىڭ باسىم بٶلٸگٸ قازاقستاندىق جوو-لار سيياقتى وقۋ جىلىن قاشىقتان بٸلٸم بەرۋ تەحنولوگييالارىن پايدالانا وتىرىپ باستادى. الايدا, كەيبٸر شەتەلدٸك جوو-لار ٶز ستۋدەنتتەرٸنە قاشىقتان وقىتۋدى جالعاستىرۋ ٷشٸن پلاتفورمالار ۇسىنا المادى», - دەدٸ مينيسترلٸك.
تامىز ايىنىڭ باسىندا بعم وقۋىن جالعاستىرۋ ٷشٸن ٶزٸنە بايلانىستى ەمەس سەبەپتەر بويىنشا ەلدەن شىعا الماعان ستۋدەنتتەرگە كٶمەك كٶرسەتە باستاعان.
«الدىن الا قابىلدانعان شەشٸمدەردٸڭ ارقاسىندا 2 مىڭنان استام قازاقستاندىق ستۋدەنت ەلدەگٸ جوعارى وقۋ ورىندارىنا اۋىسۋعا نيەت بٸلدٸردٸ. وسى ساناتتاعى ازاماتتاردى قولداۋ ماقساتىندا ارنايى جەدەل جەلٸ ٸسكە قوسىلىپ, قۇجاتتاردى قابىلداۋ پروتسەدۋراسى جەڭٸلدەتٸلدٸ», - دەپ تولىقتىردى ۆەدومستۆو.
