Shetelde qalyp qoiǵan qazaqstandyq týrister elge qashan qaitatyny belgili boldy, dep habarlaidy QazAqparat Mádeniet jáne sport ministrligine silteme jasap.
6-17 qańtar aralyǵynda Qazaqstanǵa 90-ǵa jýyq turaqty jáne 30 charterlik aviareis arqyly 7361 týrist qaitaryldy.
17 qańtardaǵy reisterdiń keshigýine bailanysty 275 týrist, onyń ishinde Tailandtan – 192, Shri-Lankadan – 25, Maldivten – 34 jáne Goadan – 24 týrist elge oralady, dep kútilýde.
«Osy jyldyń 19 qańtaryna deiin barlyq uiymdastyrylǵan týrister Qazaqstanǵa oralatynyn habarlaimyz. Sheteldegi barlyq týristerge reisterdiń aýysatyny týraly habarlandy. Týroperatorlar ózderiniń esebinen, Qazaqstannyń elshilikteri arqasynda týristterdi sheteldik qonaqúilerde ornalastyrýdy qamtamasyz etti», - delingen málimette.
Qazaqstanǵa keletin týristerdi tasymaldaý jáne ornalastyrý boiynsha jumystar uiymdastyryldy.
Atqarylǵan is-sharalar «Týristik Qamqor» KQ kúshimen, Qazaqstan Respýblikasy Mádeniet jáne sport ministrliginiń qoldaýymen júzege asyryldy.
