Búgin Qazaqstan Respýblikasynyń Memlekettik hatshysy Marat Tájinniń tóraǵalyǵymen shetelde kadr daiarlaý jónindegi respýblikalyq komissiianyń kezekti jiyny ótti, dep habarlaidy "Ult aqparat" Aqordaǵa silteme jasap.
Otyrysty ashqan M.Tájin elimizdi jańǵyrtýdyń strategiialyq basymdyqtaryn eskere otyryp, básekege qabiletti kadr daiarlaýdyń mańyzdylyǵyn aitty.
Komissiia otyrysynyń qorytyndysy boiynsha 134 úmitkerge stipendiia taǵaiyndaldy. Olar magistratýra jáne doktorantýra baǵdarlamalary boiynsha shet elderdegi úzdik joǵary oqý oryndarynda bilim alady, sondai-aq álemniń jetekshi ǵylymi jáne óndiristik ortalyqtaryna taǵylymdamaǵa jiberiledi.
Sonymen qatar, Memlekettik hatshy «Bolashaq» halyqaralyq stipendiiasyn odan ári júzege asyrý jóninde birqatar tapsyrma berdi.
