Jyl saiyn júzdegen azamattarymyz shetelderge bilim alý úshin ketip jatady. «Bolashaq» prezidenttik stipendiia baǵdarlamasyn bárimiz bilemiz. Sol baǵdarlama arqylymamandar sheteldińjetekshi joǵary oqý oryndarynda elimizdiń ekonomikasynyń basym sektorlarynaqajetti bilimderdi igerýde. Sondai ýniversitetterde bilim alyp kelgen jas qazaqstandyqtar elimizge qaita oralyp, ortalyq jáne memlekettik organdarda, ulttyq kompaniialarda laýazymdarǵa taǵaiyndalady, elimizdiń ekonomikasy men qoǵamdyq ómiriniń damýyna úles qosa otyryp, óz biznesterin de ashady.
Injenerdiń nemese qarjygerdiń oqýyn bitirgen soń alǵan bilimin otandyq ónerkásip mekemelerinde nemese ulttyq bankte qoldaný bólek bir másele. Al, dini bilim bolsa elimizdiń keleshek rýhani liderlerin, dindar azamattarǵa baǵdar beretin, olardyń dúnietanymyna, moraline, adamgershilik qundylyqtaryna áser etetin adamdardy daiyndaidy.
Eger shetelderde bilim alý protsesi zańmen rettelmeitin bolsa she? Onda ne bolmaq? Shetelde berilip jatqan dini bilimdegi rýhani qundylyqtardyń bizdiń qazaqstandyq qundylyqtarǵa sáikes keletindigine kepildik qaida? Sonymen qosa olar destrýktivti radikaldy sipatta bolsa she?
Kóptegen sarapshylardyń pikirinshe shetelderde bilim alý bizdiń qoǵamǵa radikaldy aǵymdardyń kelýine ákep soǵady. Sondai-aq shetelde rýhani bilim alǵan azamattar bógde mádenietter negizinde oqyǵan jáne óz elindegi dindar adamdardyń máselelerin sheshe almaýy múmkin.
Bul máseleni sheshýdiń qandai ádisteri bar? Tańdalǵan joǵary oqý ornyn tiisti dini birlestikpen kelisip alǵan jón bolar edi. Osylaisha tańdalǵan oqý ornyna barabar baǵa alýǵa bolady. Iaǵni, osy logikamen júretin bolsaq, sheteldik oqý oryndaryna imamnyń oqýyna túskisi keletinder QMBD-den joldama nemese kelisim alatyn bolady.
Bul máseleni sheshýdiń basqa bir ádisi – eger kandidat Qazaqstanda rýhani bilim alyp, senim negizderin qalyptastyrǵan bolsa, oǵan shetelde dini bilim alýǵa ruqsat berý. Sonda olar jat ideologiialar men radikaldy dini aǵymdarǵa berile qoimaityn bolady.
Sondyqtan da Din isteri jáne azamattyq qoǵam ministrliginiń Múftiiatpen birlese otyryp, osy protsesti zańnamalyq turǵydan retteýdi qoldaýy ýaqytyly bolar edi. Sebebi, eń bastysy jastarymyzdy ártúrli radikaldy dini aǵymdardyń destrýktivti áserinen qorǵaý bolyp tabylady.
B.Á. Esmahan,
QR DIAQM DIK Islamdyq dini
birlestiktermen bailanystar
basqarmasynyń basshysy
Kórneki sýret Azattyq saitynan alyndy
