Foto:elements.envato.com
Prezident Qasym-Jomart Toqaev "Qazaqstan Respýblikasynyń qarjylyq turaqtylyǵyn qamtamasyz etý jónindegi sharalar týraly" jarlyqqa ózgeris engizdi. Qujat "Kazahstanskaia pravda" basylymynda jariialandy, - dep habarlaidy Tengrinews.kz.
Memleket basshysy 2022 jylǵy 14 naýryzdaǵy óz jarlyǵyn 1-1-tarmaqpen tolyqtyrýǵa qaýly etti. Endi balamasy 10 000 AQSh dollarynan asatyn jáne Ulttyq banktiń áketý kúnine belgilengen baǵamy boiynsha eseptelgen somada qolma-qol shetel valiýtasyn jáne (nemese) shetel valiýtasyndaǵy aqsha quraldaryn, sondai-aq tazarylǵan altynnyń 5, 10, 20, 50 jáne 100 gramm altyn quimalary jáne ALTYN BARYS altynynan jáne KÚMIS BARYS kúmisinen jasalǵan investitsiialyq monetalar, tazartylǵan altynnyń 100 gramnan astamyn shekaradan shyǵarýǵa salynǵan tyiym mynalarǵa qoldanylmaidy:
1) Qazaqstan Respýblikasy Ulttyq bankiniń operatsiialary, sondai-aq Qazaqstan Respýblikasy Ulttyq bankiniń qurylymyna kiretin uiymdardyń operatsiialary;
2) Qazaqstan Respýblikasynyń aýmaǵyna Eýraziialyq ekonomikalyq odaqqa múshe emes memleket aýmaǵynan ákelingen jáne qaita óńdeý sharttary týraly qujat jáne memlekettik baqylaý aktisi negizinde "keri eksport" kedendik rásimi málimdeletin sheteldik shikizatty qaita óńdeýden keiin alynǵan tazartylǵan altyndy áketý;
3) Eýraziialyq ekonomikalyq odaqqa múshe memlekettiń alys-beris shikizatyn qaita óńdegennen keiin alynǵan tazartylǵan altyndy keiinnen Eýraziialyq ekonomikalyq odaqqa múshe sol memlekettiń aýmaǵyna (qaita óńdeý sharttary týraly qorytyndy negizinde) áketý;
4) Ekinshi deńgeidegi bankterdiń sheteldik bankpen jasalǵan tiisti shart negizinde júzege asyrylatyn, tólemge jaramsyz jáne (nemese) ainalysqa jaramsyz qolma-qol shetel valiýtasyn áketýi;
5) Qazaqstan Respýblikasy Úkimetiniń jekelegen aktilerinde aiqyndalatyn ózge de jaǵdailar qamtylýǵa tiis.
Jarlyq alǵashqy resmi jariialanǵan kúninen bastap qoldanysqa engiziledi.
