Qazaqstanda dári-dármek satyp alýda biryńǵai distribiýtor bolyp sanalatyn «SQ-Farmatsiia» JShS shet elderden keletin gýmanitarlyq kómekti qabyldap jatyr. Bul týraly «SQ-Farmatsiia» JShS basqarma tóraǵasy Berik Shárip aityp berdi, dep habarlaidy QazAqparat.
«Elimizdegi tótenshe jaǵdai jónindegi memlekettik komissiia sheshimimen biryńǵai distribiýtor shet elden keletin gýmanitarlyq kómekti qabyldaýshy bolyp sanalady. Biz AQSh, Qytai, Ońtústik Koreia, Japoniia, Túrkiia Birikken Arab ámirlikteri elderinen gýmanitarlyq kómekti qabyldadyq», - dedi B. Shárip Ortalyq kommýnikatsiialar qyzmetinde ótken brifing barysynda.
Onyń aitýynsha, gýmanitarlyq kómek arqyly dárilik zattar men sensorly termometr, pirometr, meditsinalyq maskalar, bir rettik qorǵanys kiimderi jetkizilgen.
«Atap aitqanda 42 450 dana bir rettik qorǵanys kiimin qabyldap, elimizdiń meditsinalyq mekemelerine jetkizdik. 320 myń meditsinalyq maska, ókpeni jasandy jeldetý apparattary memlekettik mekemelerge taratyldy. Sonymen birge, 13 sáýirde halyqtyń az qamtylǵan bóligi úshin 5 mln dana maska satyp alyndy. Qazirgi ýaqytta Nur Otan partiiasy, «Birgemiz» qory volonterlik uiymdar arqyly bul maskalardy turmysy nashar jandarǵa taratyp jatyr», - dedi spiker.
.jpeg)