قازاقستاندا دەرٸ-دەرمەك ساتىپ الۋدا بٸرىڭعاي ديستريبيۋتور بولىپ سانالاتىن «سق-فارماتسييا» جشس شەت ەلدەردەن كەلەتٸن گۋمانيتارلىق كٶمەكتٸ قابىلداپ جاتىر. بۇل تۋرالى «سق-فارماتسييا» جشس باسقارما تٶراعاسى بەرٸك شەرٸپ ايتىپ بەردٸ, دەپ حابارلايدى قازاقپارات.
«ەلٸمٸزدەگٸ تٶتەنشە جاعداي جٶنٸندەگٸ مەملەكەتتٸك كوميسسييا شەشٸمٸمەن بٸرىڭعاي ديستريبيۋتور شەت ەلدەن كەلەتٸن گۋمانيتارلىق كٶمەكتٸ قابىلداۋشى بولىپ سانالادى. بٸز اقش, قىتاي, وڭتٷستٸك كورەيا, جاپونييا, تٷركييا بٸرٸككەن اراب ەمٸرلٸكتەرٸ ەلدەرٸنەن گۋمانيتارلىق كٶمەكتٸ قابىلدادىق», - دەدٸ ب. شەرٸپ ورتالىق كوممۋنيكاتسييالار قىزمەتٸندە ٶتكەن بريفينگ بارىسىندا.
ونىڭ ايتۋىنشا, گۋمانيتارلىق كٶمەك ارقىلى دەرٸلٸك زاتتار مەن سەنسورلى تەرمومەتر, پيرومەتر, مەديتسينالىق ماسكالار, بٸر رەتتٸك قورعانىس كيٸمدەرٸ جەتكٸزٸلگەن.
«اتاپ ايتقاندا 42 450 دانا بٸر رەتتٸك قورعانىس كيٸمٸن قابىلداپ, ەلٸمٸزدٸڭ مەديتسينالىق مەكەمەلەرٸنە جەتكٸزدٸك. 320 مىڭ مەديتسينالىق ماسكا, ٶكپەنٸ جاساندى جەلدەتۋ اپپاراتتارى مەملەكەتتٸك مەكەمەلەرگە تاراتىلدى. سونىمەن بٸرگە, 13 سەۋٸردە حالىقتىڭ از قامتىلعان بٶلٸگٸ ٷشٸن 5 ملن دانا ماسكا ساتىپ الىندى. قازٸرگٸ ۋاقىتتا Nur Otan پارتيياسى, «بٸرگەمٸز» قورى ۆولونتەرلٸك ۇيىمدار ارقىلى بۇل ماسكالاردى تۇرمىسى ناشار جاندارعا تاراتىپ جاتىر», - دەدٸ سپيكەر.
.jpeg)