Tashkent zoobaǵynyń qyzmetkerleri aiýdyń toryna balasyn laqtyrǵan áiel men onyń qyzyna syilyq jasady, - dep habarlaidy Tengrinews.kz tilshisi mekemeniń baspasóz qyzmetine silteme jasap.
Zoobaq ókilderi Jelide tarap ketken beinejazbany halyq kórse de, qarsy pikirler joq ekenin aitty.
"Zardap shekken búldirshin búginde Respýblikalyq jedel meditsinalyq kómek kórsetetin ǵylymi ortalyqta emdelip jatyr. Al aiýymyz Zýzý ony nege kameralar túsirip jatqany túsinbei júr", - degen habarlamada.
Mekemede aýrýhanaǵa balany alyp kelgennen keiin, ol hirýrgiia bólimine ornalastyrylǵanyn aitty. Kelesi kúni búldirshin qarqyndy terapiia palatasyna aýystyrylǵan.
"Qazirgi ýaqytta onyń jaǵdaiy turaqty. Biz bolashaqta kishkentai qyz osy oqiǵanyń saldarynan eshqandai qiyndyq sezinbeýi úshin qoldan kelgenniń bárin jasaimyz", - dedi dáriger Sobir Nasimov.
Zoobaqtyń qyzmetkeriniń sózine súiensek, qyzdyń kóńil kúii jaqsy.
"Biz ony syilyqtar berip qýanttyq. Sonymen qatar, oǵan jáne onyń aǵasyna Tashkent zoobaǵyna tegin kirýge múmkindik berdik. Biz kishkentai balaqaidyń tezirek saýyǵýyn tileimiz", - dep qorytyndylady baspasóz qyzmetindegiler.
Eske salaiyq, buǵan deiin Tashkent haiýanattar baǵynyń baspasóz qyzmeti 28 qańtarda áiel óz qyzyn aiý qamalǵan qorshaýǵa laqtyrǵanyn habarlaǵan bolatyn. Aiý qyzǵa tiispegen, búldirshin bes metr biiktikten qulaǵan. Prokýratýra organdary anasyna qatysty "Qasaqana kisi óltirýge oqtalý" baby boiynsha qylmystyq is qozǵady, onda keminde 15 jyl bas bostandyǵynan aiyrý jazasy qarastyrylǵan.
