تاشكەنت زووباعىنىڭ قىزمەتكەرلەرٸ ايۋدىڭ تورىنا بالاسىن لاقتىرعان ەيەل مەن ونىڭ قىزىنا سىيلىق جاسادى, - دەپ حابارلايدى Tengrinews.kz تٸلشٸسٸ مەكەمەنٸڭ باسپاسٶز قىزمەتٸنە سٸلتەمە جاساپ.
زووباق ٶكٸلدەرٸ جەلٸدە تاراپ كەتكەن بەينەجازبانى حالىق كٶرسە دە, قارسى پٸكٸرلەر جوق ەكەنٸن ايتتى.
"زارداپ شەككەن بٷلدٸرشٸن بٷگٸندە رەسپۋبليكالىق جەدەل مەديتسينالىق كٶمەك كٶرسەتەتٸن عىلىمي ورتالىقتا ەمدەلٸپ جاتىر. ال ايۋىمىز زۋزۋ ونى نەگە كامەرالار تٷسٸرٸپ جاتقانى تٷسٸنبەي جٷر", - دەگەن حابارلامادا.
مەكەمەدە اۋرۋحاناعا بالانى الىپ كەلگەننەن كەيٸن, ول حيرۋرگييا بٶلٸمٸنە ورنالاستىرىلعانىن ايتتى. كەلەسٸ كٷنٸ بٷلدٸرشٸن قارقىندى تەراپييا پالاتاسىنا اۋىستىرىلعان.
"قازٸرگٸ ۋاقىتتا ونىڭ جاعدايى تۇراقتى. بٸز بولاشاقتا كٸشكەنتاي قىز وسى وقيعانىڭ سالدارىنان ەشقانداي قيىندىق سەزٸنبەۋٸ ٷشٸن قولدان كەلگەننٸڭ بەرٸن جاسايمىز", - دەدٸ دەرٸگەر سوبير ناسيموۆ.
زووباقتىڭ قىزمەتكەرٸنٸڭ سٶزٸنە سٷيەنسەك, قىزدىڭ كٶڭٸل كٷيٸ جاقسى.
"بٸز ونى سىيلىقتار بەرٸپ قۋانتتىق. سونىمەن قاتار, وعان جەنە ونىڭ اعاسىنا تاشكەنت زووباعىنا تەگٸن كٸرۋگە مٷمكٸندٸك بەردٸك. بٸز كٸشكەنتاي بالاقايدىڭ تەزٸرەك ساۋىعۋىن تٸلەيمٸز", - دەپ قورىتىندىلادى باسپاسٶز قىزمەتٸندەگٸلەر.
ەسكە سالايىق, بۇعان دەيٸن تاشكەنت حايۋاناتتار باعىنىڭ باسپاسٶز قىزمەتٸ 28 قاڭتاردا ەيەل ٶز قىزىن ايۋ قامالعان قورشاۋعا لاقتىرعانىن حابارلاعان بولاتىن. ايۋ قىزعا تيٸسپەگەن, بٷلدٸرشٸن بەس مەتر بيٸكتٸكتەن قۇلاعان. پروكۋراتۋرا ورگاندارى اناسىنا قاتىستى "قاساقانا كٸسٸ ٶلتٸرۋگە وقتالۋ" بابى بويىنشا قىلمىستىق ٸس قوزعادى, وندا كەمٸندە 15 جىل باس بوستاندىعىنان ايىرۋ جازاسى قاراستىرىلعان.
