Foto:politico.kz
Talǵarda kisi qolynan qaza tapqan jasóspirim Sherzat Bolattyń aǵasy Nurqanat Ǵaiypbaev keter aldynda týysyna hat jazǵan. Bul týraly Almaty qalasy politsiia departamenti bastyǵynyń orynbasary Baǵdat Áshimov aitty, dep habarlaidy ult.kz.
"Aldyn ala málimetterge sáikes, ol asylý arqyly óz-ózine qol jumsaǵan. Marqum aǵymdaǵy jyldyń 4 qazanynda qaiǵyly qaza tapqan kámeletke tolmaǵan Sherzat Polattyń aǵasy ekeni anyqtaldy. Tergeý barysynda marqum týystarynyń birine ózine-ózi qol jumsaý týraly messendjerde jibergen jazbasy anyqtaldy. Habarlamada ol týysqandarymen qoshtasyp, jieniniń janyna jerleýdi surady. Bul fakti boiynsha qylmystyq is qozǵaldy. Qazirgi ýaqytta barlyq jaǵdailardy anyqtaý úshin tergeý amaldary júrgizilýde. Qurmetti azamattar, tek resmi derekkózderge senýińizdi suraimyz jáne jalǵan aqparatty taratý qylmystyq jaýapkershilikke deiin ákelýi múmkin ekenin eske salamyz! – deidi Baǵdat Áshimov.
Aita keteiik, buǵan deiin Talǵardyń mańynan Sherzat Bolattyń aǵasynyń máiiti tabylǵanyn politsiia habarlaǵan.
"Osy fakti boiynsha qylmystyq is qozǵaldy. Qazir barlyq jaidy anyqtaý úshin tergeý amaldary júrgizilip jatyr. Osy ýaqytta qylmystyq sipattaǵy qandai da bir belgiler anyqtalmady", -dep habarlanǵan.
Eske salsaq, Almaty oblysy Talǵar aýdanynda 16 jastaǵy jasóspirim Sherzat Bolatty ata-anasynyń kózinshe óltirip ketken. Bul oqiǵa qoǵamda úlken rezonans týdyrdy. 12 qazanǵa qaraǵan túri Sherzat Bolattyń úii órtenip, marqumnyń týystary buǵan qylmysqa kúdiktiler jasady dep topshylaǵan.
Osy oqiǵadan keiin Talǵar qalasynyń ákimi men orynbasary, Almaty oblysy prokýrorynyń orynbasary S. S. Bakirov pen Talǵar aýdanynyń prokýrory E. K. Bekmanov jumysynan bosatylyp, Talǵardaǵy «Hýtor» degen laqap atpen belgili qylmystyq toptyń lideri deitin Hasan Qasymbaevtyń aǵasy qyzmetinen ketti.
