Foto: Pexels.com
Almaty oblysynyń Politsiia departamenti Sherzat Bolattyń ólimine qatysty is boiynsha tergeýdiń mán-jaiyn aitty, dep habarlaidy Ult.kz.
Politsiia málimetinshe, byltyr 4 qazanǵa qaraǵan túni bolǵan qylmysty tergeý aiaqtalǵan. Taraptar qylmystyq is materialdarymen tolyq tanysqan, is sotqa jiberý úshin prokýrorǵa joldanǵan.
Tergeý barysynda 40 sot saraptamasy júrgizilip, shamamen 200 kýágerden jaýap alynǵan, barlyq kúdiktiniń oqiǵa ornynda aitqan jaýaptary tekserilgen, protsess qatysýshylary arasynda bettestirýler ótkizilip, qylmystyń barlyq mán-jaiyn anyqtaýǵa baǵyttalǵan ózge de tergeý áreketteri júzege asyrylgen.
"Qylmysqa qatysýshylardyń barlyǵyna quqyqtyq baǵa bere otyryp, 8 beinematerial zertteldi. Qylmystyq is 62 tomnan turady, onyń ishinde barlyq jinalǵan dálel, saraptama qorytyndylary, jaýap alý hattamalary jáne basqa da mańyzdy materialdar bar", - delingen habarlamada.
Politsiia árbir tergeý áreketi qylmystyq zańnama talaptaryna sáikes júrgizilgenin, tergeýdiń barlyq kezeńinde zańdylyq, ashyqtyq jáne obektivtilik qamtamasyz etilgenin málimdedi.
Oqi otyryńyz: Prezident Sherzat Polattyń ólimi týraly pikir bildirdi
