Sherzat Polat isi boiynsha sottalǵan Dýman Ysqaq bostandyqqa shyqty. Bul týraly advokat Meiirman Shekeev Instagram-paraqshasynda aitty, dep habarlaidy Ult.kz.
«Sherzat isi boiynsha appeliatsiialyq sot májilisi 2025 jyldyń 18 tamyzy saǵat 11:00-ge Almaty oblysy sotynyń ǵimaratynda qaraý taǵaiyndaldy. Sonymen qatar Dýman ysqaq birinshi satydaǵy sot úkimimen taǵaiyndalǵan jazany ótep qoiǵandyqtan Almaty oblystyq sotynyń qylmystyq isteri jónindegi sot alqasynyń sýdiasy Musabekovanyń 2025 jyldyń 23 shildedegi sot qaýlysymen bultartpaý sharasy joiylyp, ol qamaýdan bosatyldy», — deidi advokat.
Eske salaiyq, Dýman Ysqaq QR qylmystyq kodeksiniń 434-baby «qylmysty jasyrý» babymen aiyptalyp, 1 jyl 6 aiǵa bas bostandyǵynan aiyrylǵan. Sherzat Polattyń otbasy úkim shyqpai turǵan kezde-aq kámeletke tolmaǵan Dýman Ysqaqqa (2007 jyly týǵan) keshirim bergen.
Aita keteiik, Sherzat Polattyń qazasyna kináli dep tabylǵan azamattar 1,5 jyldan 23 jylǵa deiin bas bostandyqtarynan aiyrý jazasy kesilgen.
