شەرزات پولات ٸسٸ بويىنشا سوتتالعان دۋمان ىسقاق بوستاندىققا شىقتى. بۇل تۋرالى ادۆوكات مەيٸرمان شەكەەۆ Instagram-پاراقشاسىندا ايتتى, دەپ حابارلايدى Ult.kz.
«شەرزات ٸسٸ بويىنشا اپپەلياتسييالىق سوت مەجٸلٸسٸ 2025 جىلدىڭ 18 تامىزى ساعات 11:00-گە الماتى وبلىسى سوتىنىڭ عيماراتىندا قاراۋ تاعايىندالدى. سونىمەن قاتار دۋمان ىسقاق بٸرٸنشٸ ساتىداعى سوت ٷكٸمٸمەن تاعايىندالعان جازانى ٶتەپ قويعاندىقتان الماتى وبلىستىق سوتىنىڭ قىلمىستىق ٸستەرٸ جٶنٸندەگٸ سوت القاسىنىڭ سۋدياسى مۇسابەكوۆانىڭ 2025 جىلدىڭ 23 شٸلدەدەگٸ سوت قاۋلىسىمەن بۇلتارتپاۋ شاراسى جويىلىپ, ول قاماۋدان بوساتىلدى», — دەيدٸ ادۆوكات.
ەسكە سالايىق, دۋمان ىسقاق قر قىلمىستىق كودەكسٸنٸڭ 434-بابى «قىلمىستى جاسىرۋ» بابىمەن ايىپتالىپ, 1 جىل 6 ايعا باس بوستاندىعىنان ايىرىلعان. شەرزات پولاتتىڭ وتباسى ٷكٸم شىقپاي تۇرعان كەزدە-اق كەمەلەتكە تولماعان دۋمان ىسقاققا (2007 جىلى تۋعان) كەشٸرٸم بەرگەن.
ايتا كەتەيٸك, شەرزات پولاتتىڭ قازاسىنا كٸنەلٸ دەپ تابىلعان ازاماتتار 1,5 جىلدان 23 جىلعا دەيٸن باس بوستاندىقتارىنان ايىرۋ جازاسى كەسٸلگەن.
