Foto: depositphotos.com
Jeli qoldanýshylary Talǵarda bolǵan qaiǵyly jaǵdaiǵa únsiz qalǵan nemese Sherzattyń otbasyn aiyptaǵan blogerler men tanymal adamdardyń áleýmettik jelidegi paraqshalarynan jappai shyǵyp jatyr, dep habarlaidy ult.kz.
"Olar(blogerler) bizdiń esebimizden aqsha tapqandy ǵana biledi. Qytaidyń qoqysyn qymbatqa satyp, aqymaq kýrstaryn satqandy ǵana biledi", -dep bir jeli qoldanýshy keiise, taǵy biri : "Qoǵamdaǵy rezonansty oqiǵaǵa ún qata amaisyńdar, esesine kýrstaryńdy satqanda sairap, maza bermeisińder", -dep shaǵymdandy.
Oqi otyryńyz: Talǵar tragediiasy: Sherzat Polattyń ólimine qatysty oqiǵalardyń hronologiiasy jáne resmi derekter
TikTok áleýmettik jelisinde bastalǵan chellendj basqa da jelige tarai bastady. Tanymal adamdar men blogerlerdiń áleýmettik jelilerinen jazylýshylar kete bastaǵasyn kei tanymal adamdar pikir bildire bastady.
Oqiǵaǵa "Darikorn" esimimen belgili bloger pikir bildirdi. Onyń da jekesine "Sherzat týraly nege aitpaisyń?" dep kóp adam jazǵan. Bul týraly ulysmedia jazypty.
"Bárimizdiń balalarymyz, aǵalarymyz bar. Bárimiz ol otbasynyń qaiǵysyna ortaqpyz. Biz zańǵa qatysty eshteńe sheshe almaimyz, adamdardy tirilte almaimyz. Olar sbor keregi joq dedi. Birdeńe bolsa halyq jinalyp, aqshalai kómekteser edik. Bul jerde eki adam qaitys bolyp jatyr. Biz tek imandy bolsyn, jandary jannatta bolsyn dep aita alamyz. Biz de qarapaiym adamdarbyz. Aýditoriiamyz ǵana bar. Bizge kúnde jazady. Osyndai jaǵdaida eshteńe istei almaitynyńa qynjylasyń", – deidi Darikorn.
