Konsýldyqqa barý biometriialyq sáikestendirgishterdi jinaýǵa alǵash ótinim beretinder, málimetteri ózgergen nemese jańa qujat alǵandar úshin ǵana mindetti bolady, dep habarlaidy QazAqparat EK saityna silteme jasap.
«Eýropalyq komissiia shengen vizasyn alý protsesin tsifrlandyrýdy usynady. Bul rette vizalyq japsyrmany almastyryp, ótinishti eýropalyq onlain-viza platformasy arqyly qashyqtan berý múmkindigin engizý qarastyrylyp otyr. Jańa paktide 2025 jylǵa qarai vizalyq protsedýrany tolyqtai tsifrlandyrý maqsaty qoiylǵan» delinedi EK málimdemesinde.
EK paiymdaýynsha, bul sheshim «ótinish berýshige vizany naqty baratyn elinen emes, anaǵurlym tezirek rásimdep berýdi usynatyn Shengen kelisimi bar ózge memleketten satyp alýǵa» qajettilik qaldyrmaidy. Demek, viza alýshynyń ýaqyty men qarajaty únemdeledi.
«Sondai-aq, viza alý protsesin tsifrlandyrý japsyrmalarǵa qatysty jalǵan jasalý, alaiaqtyq pen urlyq siiaqty yqtimal qaýipterdi qysqartady. Sonymen birge, bul qadam Eýroodaqtyń memlekettik qyzmetterdi modernizatsiialaý men tsifrlandyrýdy yntalandyrý jónindegi ustanymyna sáikes keledi», - deidi EK.
Eýropalyq komissiianyń bul usynysy Eýroparlament jáne Eýroodaq Keńesi tarapynan maquldanýy kerek.
«Sodan keiin múshe memleketterdiń ortaq onlain-vizalyq platformaǵa aýysýyna 5 jyl ýaqyty bolady. Platforma 2024 jyly jasaqtalyp, 2026 jyly iske qosylýy múmkin. Aýysýǵa beriletin bes jyldyq merzimdi esepke alǵanda, barlyq múshe memleketter ony 2031 jyly qolana alady», - dep habarlaidy EK.
