كونسۋلدىققا بارۋ بيومەترييالىق سەيكەستەندٸرگٸشتەردٸ جيناۋعا العاش ٶتٸنٸم بەرەتٸندەر, مەلٸمەتتەرٸ ٶزگەرگەن نەمەسە جاڭا قۇجات العاندار ٷشٸن عانا مٸندەتتٸ بولادى, دەپ حابارلايدى قازاقپارات ەك سايتىنا سٸلتەمە جاساپ.
«ەۋروپالىق كوميسسييا شەنگەن ۆيزاسىن الۋ پروتسەسٸن تسيفرلاندىرۋدى ۇسىنادى. بۇل رەتتە ۆيزالىق جاپسىرمانى الماستىرىپ, ٶتٸنٸشتٸ ەۋروپالىق ونلاين-ۆيزا پلاتفورماسى ارقىلى قاشىقتان بەرۋ مٷمكٸندٸگٸن ەنگٸزۋ قاراستىرىلىپ وتىر. جاڭا پاكتٸدە 2025 جىلعا قاراي ۆيزالىق پروتسەدۋرانى تولىقتاي تسيفرلاندىرۋ ماقساتى قويىلعان» دەلٸنەدٸ ەك مەلٸمدەمەسٸندە.
ەك پايىمداۋىنشا, بۇل شەشٸم «ٶتٸنٸش بەرۋشٸگە ۆيزانى ناقتى باراتىن ەلٸنەن ەمەس, اناعۇرلىم تەزٸرەك رەسٸمدەپ بەرۋدٸ ۇسىناتىن شەنگەن كەلٸسٸمٸ بار ٶزگە مەملەكەتتەن ساتىپ الۋعا» قاجەتتٸلٸك قالدىرمايدى. دەمەك, ۆيزا الۋشىنىڭ ۋاقىتى مەن قاراجاتى ٷنەمدەلەدٸ.
«سونداي-اق, ۆيزا الۋ پروتسەسٸن تسيفرلاندىرۋ جاپسىرمالارعا قاتىستى جالعان جاسالۋ, الاياقتىق پەن ۇرلىق سيياقتى ىقتيمال قاۋٸپتەردٸ قىسقارتادى. سونىمەن بٸرگە, بۇل قادام ەۋرووداقتىڭ مەملەكەتتٸك قىزمەتتەردٸ مودەرنيزاتسييالاۋ مەن تسيفرلاندىرۋدى ىنتالاندىرۋ جٶنٸندەگٸ ۇستانىمىنا سەيكەس كەلەدٸ», - دەيدٸ ەك.
ەۋروپالىق كوميسسييانىڭ بۇل ۇسىنىسى ەۋروپارلامەنت جەنە ەۋرووداق كەڭەسٸ تاراپىنان ماقۇلدانۋى كەرەك.
«سودان كەيٸن مٷشە مەملەكەتتەردٸڭ ورتاق ونلاين-ۆيزالىق پلاتفورماعا اۋىسۋىنا 5 جىل ۋاقىتى بولادى. پلاتفورما 2024 جىلى جاساقتالىپ, 2026 جىلى ٸسكە قوسىلۋى مٷمكٸن. اۋىسۋعا بەرٸلەتٸن بەس جىلدىق مەرزٸمدٸ ەسەپكە العاندا, بارلىق مٷشە مەملەكەتتەر ونى 2031 جىلى قولانا الادى», - دەپ حابارلايدى ەك.
