Shyǵys Qazaqstan oblysynyń bilim basqarmasy Semeidegi stýdentterdiń narazylyq aktsiiasyna qatysty pikir bildirdi, - dep habarlaidy Tengrinews.kz tilshisi.
Semeide joǵary geodeziia jáne kartografiia kolledjiniń stýdentteri narazylyqqa shyqty. Stýdentter Joǵary geodeziia jáne kartografiia kolledji men Geologiialyq barlaý kolledjiniń qosylýyna qarsy. Sondai-aq, bul narazylyq Joǵary geodeziia jáne kartografiia kolledjiniń bas ǵimaratyn jańadan qurylǵan Abai aýdanyndaǵy basqarmalardyń birine beriledi degen aqparat shyqqannan keiin uiymdastyrylǵan.
Video jelide tez taralyp, qoldanýshylardyń narazylyǵyn týdyrdy.
Alaida Shyǵys Qazaqstan oblysynyń bilim basqarmasy bul aqparatty joqqa shyǵardy.
"Joǵary geodeziia jáne kartografiia kolledji men geologiialyq barlaý kolledjin biriktirý máselesi qarastyrylyp jatqan joq", - dedi bilim basqarmasynyń basshysy Sairangúl Jumadilova.
Sondai-aq ol kolledj ǵimaratyn memlekettik departamentke berý máselesine alańdaýdyń qajeti joq ekenin aitty.
"Endi memlekettik organdardy kolledj ǵimarattaryna ornalastyrý týraly másele joq. Kerisinshe, aimaq basshysy Danial Ahmetov kolledjderdiń materialdyq-tehnikalyq bazasyn jaqsartý, mamandyqtardy keńeitý jáne suranysqa ie kadrlardy daiarlaý boiynsha taldaý júrgizýdi tapsyrdy. Semei qalasy kolledjderiniń barlyq stýdentteri ádettegidei oqýyn jalǵastyryp, oqyǵan mamandyǵy boiynsha oqý ornyn bitirgeni týraly diplom alady", – dep atap ótti Sairangúl Jumadilova.
Aita ketý kerek, búginde Semeidegi eki kolledj de óz salalarynda kósh bastap tur, olardyń kadr daiarlaýda kópjyldyq tájiribesi bar.
