Prezident Pavlodar oblysynda jańa áýejai ashý máselesin pysyqtaýdy tapsyrdy Prezident Pavlodar oblysynda jańa áýejai ashý máselesin pysyqtaýdy tapsyrdy ShQO-da 87 jastaǵy zeinetker alaiaqtardyń qurbany bola jazdady ShQO-da 87 jastaǵy zeinetker alaiaqtardyń qurbany bola jazdady
Qoǵam

Sheneýnikter milliondap syiaqy ala ma? Ministrlik depýtatqa jaýap berdi

Ult portaly
Sheneýnikter milliondap syiaqy ala ma? Ministrlik depýtatqa jaýap berdi



Densaýlyq saqtaý ministrligi vedomstvo basshysy ózine 15 million teńge kóleminde syiaqy jazdyrǵan degen aqparatqa qatysty túsinikteme berdi. Ministrlik depýtat Azat Perýashevtyń málimdemesinen keiin ún qatty.


Vedomstvo "aitylǵan faktiniń densaýlyq saqtaý ministrligine qatysy joq" dep málimdedi.


"Syiaqy tólemderi qatań túrde qoldanystaǵy zańnama talaptaryna sáikes, atap aitqanda, "Qazaqstan organdarynyń qyzmetkerlerine syilyq berý, materialdyq kómek kórsetý jáne laýazymdyq jalaqylaryna ústemeaqylar belgileý týraly" úkimettiń 2001 jyldyń 29 tamyzyndaǵy № 1127 qaýlysyna sáikes júrgiziledi. Osyǵan bailanysty 15 million teńge mólsherinde tólengen syiaqyǵa qatysty aqparat shyndyqqa janaspaitynyn habarlaimyz", -dep málimdedi vedomstvo.


Buǵan deiin depýtat Azat Perýashev densaýlyq saqtaý ministrligine syn aityp, keibir sheneýniktiń ózine 15 million teńge kóleminde syiaqy jazyp alǵanyn málimdedi. Alaida depýtat bul sózin qai vedomstvoǵa qaratyp aitqanyn naqtylamady. Al onyń aldynda qazaqstandyqtar bilim jáne ǵylym ministriniń milliondaǵan syiaqy alǵany týraly aqparatty talqylady.

Qoǵam belsendileri sheneýnikterdi qoldady


Belgili ekonomist Oljas Qudaibergenov Facebook paraqshasynda kei ministrlikte 36 ailyq esebinde syiaqy jazyp alatyndaryn aitty.


 "Qarapaiym azamattardyń jalaqysymen salystyrǵanda bul úlken soma shyǵar, biraq shyn máninde bul kóp aqsha emes. Ministrlerdiń jalaqysy 800-900 myń teńge shamasynda, al vitse-ministrlerdiń jalaqysy 500-600 myń teńge. Bul kvazimemlekettik jáne jeke sektormen salystyrǵanda tómen jalaqy", - dep pikir bildirdi prezidenttiń eks-keńesshisi.


Oljas Qudaiberegenov qazir sapaly mamandar aiyna bes million teńgege deiin jalaqy alady degen pikir aitty. Sondyqtan sheneýnikterde memlekettik qyzmettegi mańyzdy baǵyttarǵa qajetti mamandardy tartýda qiyndyqtar týyndaidy.

Oqi otyryńyz