Qazaqstandyqtar quny 2 ailyq eseptik kórsetkishke deiingi syilyqty bergeni úshin 4,5 million teńgeden astam aiyppul tóleidi, - dep habarlaidy QazAqparat.
Qazaqstandyqtar zańsyz materialdyq syiaqy bergeni úshin ákimshilik jaýapkershilikke tartylýy múmkin. Bul týraly Sybailas jemqorlyqqa qarsy is-qimyl agenttigi Tóraǵasynyń birinshi orynbasary Oljas Bektenov Qazaqstan Respýblikasynyń Ákimshilik quqyq buzýshylyqtar týraly Kodeksine engizilgen ózgertýlerdi baiandaý barysynda aitty.
«Syiaqylar, syilyqtar nemese jeńildikter bergeni úshin jeke tulǵalar ÁQBtK–niń 676-baby boiynsha 200 AEK kóleminde aiyppul tóleidi, bul shamamen 600 myń teńge», - dedi O.Bektenov.
Bul rette, eger mundai syiaqy nemese syilyq zańdy tulǵa tarapynan beriletin bolsa, onda mundai áreket ÁQBtK-niń 678-baby boiynsha saralanady jáne munda aiyppul 700 AEK-ke deiin ósedi, bul 2 mln.teńgeden astam.
Mundai quqyq buzýshylyq bir jyl ishinde qaitalap jasalǵan jaǵdaida zańdy tulǵa eki ese – 1500 AEK nemese 4,5 mln.teńge tóleidi.
«Qazir zańnamada syilyqtar berýge jáne alýǵa tolyq tyiym salynǵanyn taǵy bir márte eske salǵym keledi. Mundai norma ótken jyldyń sońynda qoldanysqa engizildi», - dedi Oljas Bektenov.
«Qazir zańnamada syilyqtar berýge jáne alýǵa tolyq tyiym salynǵanyn taǵy bir márte eske salǵym keledi. Mundai norma ótken jyldyń sońynda qoldanysqa engizildi», - dedi Oljas Bektenov.
Ol syilyq berýshilerge arnaǵan sózinde memlekettik qyzmetshilerge jáne olarǵa teńestirilgen tulǵalarǵa memlekettik jáne basqa da qyzmetter kórsetkeni úshin syi berý ádetinen bas tartýǵa shaqyrdy, óitkeni mundai áreket syilyq berýshilerge de, syilyq alǵan sheneýnikke de saldaryn tigizýi múmkin.
Aita keteiik, 20 naýryzda Memleket basshysy «Qazaqstan Respýblikasynyń Ákimshilik quqyq buzýshylyqtar týraly Kodeksine ózgerister engizý týraly» Zańǵa qol qoidy.
Zań sáýirdiń 5-inen bastap qoldanysqa engizildi.
Atalǵan Zań aiasynda ákimshilik sybailas jemqorlyq quqyq buzýshylyqtar týraly hattamalar jasaý quzireti Sybailas jemqorlyqqa qarsy qyzmetke bekitildi.
