Aqtóbe oblysy Densaýlyq saqtaý basqarmasy basshysynyń orynbasary Almat Ermaǵambetov qyzyn Nazarbaev ýniversitetine túsirý úshin 20 myń dollar aqsha bergenin politsiiaǵa aityp berdi, - dep habarlaidy kaz.tengrinews.kz jergilikti "Diapazon" gazetine silteme jasap.
Qazirgi ýaqytta ol asa iri kólemde jasalǵan alaiaqtyq is boiynsha jábirlenýshi. Osy bap boiynsha 39 jastaǵy Botagóz Biekenovanyń soty ótip jatyr.
Politsiia Almat Ermaǵambetovten jaýap kezinde ol biyl aqpan aiynda úlken qyzyn Nazarbaev ýniversitetine, al ortanshy qyzyn Aqtóbedegi Nazarbaev mektebine túsirip berý týraly tanys áielden usynys túskenin aityp berdi. Áiel sheneýnikke NZM direktoryn tanitynyn, al JOO prorektory onyń aǵasy ekenin aitqan delinedi. Al ózi emtihan qabyldaityn komissiianyń quramynda ekenin aityp ýáde bergen. Sondyqtan ol áielge senip, óz áieliniń kózinde 20 myń dollaryn bergenin aitqan. Sheneýnik Biekenovadan qolhat ta almaǵan.
Biekenova bolsa Eramaǵambetovtan bir tiyn da almadym dep otyr. Al sheneýnik berdim deidi.
"Diapazon" basylymy óz derekkózine silteme jasai otyryp, sheneýniktiń qyzy oqý ornyna túse almaǵannan keiin organdarǵa habar bergenin habarlady.
Al IID ókilderi 39 jastaǵy Botagóz Biekenovanyń ustalǵanyn habarlady. Ol asa iri kólemde alaiaqtyq jasady dep aiyptalyp otyr eken. Sondai-aq, IID bul azamatshanyń alaiaqtyq isinen zábir kórgenderdi de izdep jatyr.
