اقتٶبە وبلىسى دەنساۋلىق ساقتاۋ باسقارماسى باسشىسىنىڭ ورىنباسارى المات ەرماعامبەتوۆ قىزىن نازارباەۆ ۋنيۆەرسيتەتٸنە تٷسٸرۋ ٷشٸن 20 مىڭ دوللار اقشا بەرگەنٸن پوليتسيياعا ايتىپ بەردٸ, - دەپ حابارلايدى kaz.tengrinews.kz جەرگٸلٸكتٸ "دياپازون" گازەتٸنە سٸلتەمە جاساپ.
قازٸرگٸ ۋاقىتتا ول اسا ٸرٸ كٶلەمدە جاسالعان الاياقتىق ٸس بويىنشا جەبٸرلەنۋشٸ. وسى باپ بويىنشا 39 جاستاعى بوتاگٶز بيەكەنوۆانىڭ سوتى ٶتٸپ جاتىر.
پوليتسييا المات ەرماعامبەتوۆتەن جاۋاپ كەزٸندە ول بيىل اقپان ايىندا ٷلكەن قىزىن نازارباەۆ ۋنيۆەرسيتەتٸنە, ال ورتانشى قىزىن اقتٶبەدەگٸ نازارباەۆ مەكتەبٸنە تٷسٸرٸپ بەرۋ تۋرالى تانىس ەيەلدەن ۇسىنىس تٷسكەنٸن ايتىپ بەردٸ. ەيەل شەنەۋنٸككە نزم ديرەكتورىن تانيتىنىن, ال جوو پرورەكتورى ونىڭ اعاسى ەكەنٸن ايتقان دەلٸنەدٸ. ال ٶزٸ ەمتيحان قابىلدايتىن كوميسسييانىڭ قۇرامىندا ەكەنٸن ايتىپ ۋەدە بەرگەن. سوندىقتان ول ەيەلگە سەنٸپ, ٶز ەيەلٸنٸڭ كٶزٸندە 20 مىڭ دوللارىن بەرگەنٸن ايتقان. شەنەۋنٸك بيەكەنوۆادان قولحات تا الماعان.
بيەكەنوۆا بولسا ەراماعامبەتوۆتان بٸر تيىن دا المادىم دەپ وتىر. ال شەنەۋنٸك بەردٸم دەيدٸ.
"دياپازون" باسىلىمى ٶز دەرەككٶزٸنە سٸلتەمە جاساي وتىرىپ, شەنەۋنٸكتٸڭ قىزى وقۋ ورنىنا تٷسە الماعاننان كەيٸن ورگاندارعا حابار بەرگەنٸن حابارلادى.
ال ٸٸد ٶكٸلدەرٸ 39 جاستاعى بوتاگٶز بيەكەنوۆانىڭ ۇستالعانىن حابارلادى. ول اسا ٸرٸ كٶلەمدە الاياقتىق جاسادى دەپ ايىپتالىپ وتىر ەكەن. سونداي-اق, ٸٸد بۇل ازاماتشانىڭ الاياقتىق ٸسٸنەن زەبٸر كٶرگەندەردٸ دە ٸزدەپ جاتىر.
