Kemerovo oblysynyń vitse-gýbernatory Sergei Tsivilev "Zimniaia vishnia" saýda ortalyǵynda bolǵan qaiǵyly jaǵdai úshin turǵyndardan tizerlep turyp keshirim surady, - dep habarlaidy Tengrinews.kz RIA Novosti-ǵa silteme jasap.
Aita keteiik, Kemerovo ortalyq alańynda áli de jappai miting jalǵasyp jatyr. "Kemerovoda miting. 4 myńǵa jýyq adam ákimshilik ǵimarattyń mańyna jinalyp, Aman Tóleevtiń otstavkaǵa ketýin talap etýde. Jinalǵandardyń ishinde "Zimniaia vishnia" saýda ortalyǵynda bolǵan órtten qaza tapqandardyń týystary", - dep jazǵan edi osyǵan deiin BAQ ókilderi.
"Osy qaiǵyly oqiǵaǵa kináli barlyq adamnyń jazalanatynyn málimdeimin. Osy jaǵdaiǵa tap bolǵan adamdardan keshirim suraimyn. Olardyń aldynda tizerlep turyp keshirim suraimyn", - dedi Tsivilev mitingte.
Video Telegram messendjerinde paida boldy.
