Keshe QR Premer-ministri Asqar Maminniń tóraǵalyǵymen ótken memlekettik komissiia otyrysynda qalyptasqan epidemiologiialyq jaǵdaidy eskere otyryp, karantin sharalaryn kezeń-kezeńimen alyp tastaý jospary qaraldy.
Osyǵan bailanysty Nur-Sultan qalasy Dermatologiia ortalyǵynyń direktory, meditsina ǵylymdarynyń doktory Juldyz Danbaeva shekteý sharalaryn jeńildetýden eshqandai qorqynysh joq ekenin aitty, dep jazady Baq.kz agenttigi.
Qazir eldegi epidemiologiialyq jaǵdai turaqtaldy. Syrqattanýshylar sany da azaiyp keledi. Halyq sanitariialyq normalardy oryndap, maska taǵý rejimin saqtap, áleýmettik qashyqtyqty ustansa, shekteý sharalaryn jeńildetýden eshqandai qorqynysh joq. Shet memleketterde de osy erejelerdi saqtap, karantindi birtindep jeńildetip jatyr. Ol bir jaǵynan halyqtyń sana-sezimine bailanysty. Indettiń taralý deńgeii qoǵamnyń árbir múshesiniń áreketine, ár qadamyna tikelei bailanysty, - deidi ol.
Aita ketý kerek, memlekettik komissiia 2020 jyldyń 17 tamyzynan bastap barlyq óńirde jumysyn qaita bastaityn kásipkerlik sýbektileri qyzmet túrleriniń tizbesin bekitti.
