كەشە قر پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا قالىپتاسقان ەپيدەميولوگييالىق جاعدايدى ەسكەرە وتىرىپ, كارانتين شارالارىن كەزەڭ-كەزەڭٸمەن الىپ تاستاۋ جوسپارى قارالدى.
وسىعان بايلانىستى نۇر-سۇلتان قالاسى دەرماتولوگييا ورتالىعىنىڭ ديرەكتورى, مەديتسينا عىلىمدارىنىڭ دوكتورى جۇلدىز دانباەۆا شەكتەۋ شارالارىن جەڭٸلدەتۋدەن ەشقانداي قورقىنىش جوق ەكەنٸن ايتتى, دەپ جازادى Baq.kz اگەنتتٸگٸ.
قازٸر ەلدەگٸ ەپيدەميولوگييالىق جاعداي تۇراقتالدى. سىرقاتتانۋشىلار سانى دا ازايىپ كەلەدٸ. حالىق سانيتارييالىق نورمالاردى ورىنداپ, ماسكا تاعۋ رەجيمٸن ساقتاپ, ەلەۋمەتتٸك قاشىقتىقتى ۇستانسا, شەكتەۋ شارالارىن جەڭٸلدەتۋدەن ەشقانداي قورقىنىش جوق. شەت مەملەكەتتەردە دە وسى ەرەجەلەردٸ ساقتاپ, كارانتيندٸ بٸرتٸندەپ جەڭٸلدەتٸپ جاتىر. ول بٸر جاعىنان حالىقتىڭ سانا-سەزٸمٸنە بايلانىستى. ٸندەتتٸڭ تارالۋ دەڭگەيٸ قوعامنىڭ ەربٸر مٷشەسٸنٸڭ ەرەكەتٸنە, ەر قادامىنا تٸكەلەي بايلانىستى, - دەيدٸ ول.
ايتا كەتۋ كەرەك, مەملەكەتتٸك كوميسسييا 2020 جىلدىڭ 17 تامىزىنان باستاپ بارلىق ٶڭٸردە جۇمىسىن قايتا باستايتىن كەسٸپكەرلٸك سۋبەكتٸلەرٸ قىزمەت تٷرلەرٸنٸڭ تٸزبەسٸن بەكٸتتٸ.
