Foto:mvideo.ru
Adam bolýdan bas tartyp, kúndelikti ómirde ózderin janýarlarǵa teńep, tórt aiaqtap júrip, janýar keipindegi betperdemen júretin, itshe, mysyqsha ómir keship, solardy dybystaityn kvadroberlerden elimizdegi balalar men jasóspirimderge qater tónip tur dep esepteidi depýtat Dáýlet Muqaev. Ol bul týraly Májilis minberinde aitty, dep habarlaidy Ult.kz.
Depýtattyń sózinshe olar tek syrtqy keiip ózgertip qana qoimai, itterge tán árketter jasap adamdarǵa shabýyldaý iaǵni, tyrnaý, tisteý faktileri de kezdesken.
"Dál bul oqiǵalar kórshi Resei jáne Ózbekstan elderinde tirkelip úlgerdi. Bul bul ma?! Áleýmettik jeliderde kvadrober bolýdy úiretetin arnaiy toptar, jabyq arnalar paida bolyp, arnaiy sabaqtar da uiymdastyrýda. Bul bir qaraǵanda balalyq qylyq dep qabyldaǵanmen, balalardyń psihologiiasy men áleýmettik damýyna keri áseri tigizip, shekten shyǵyp barady. Al batys elderinde balalar sabaqta sóileýden bas tartyp, janýarsha dybystaýdy shyǵarǵan. Bul sýbmádeniet ókilderine arnap arnaiy keshter uiymdastyrylatyn bolǵan. Sonymen qatar, kvadrober bolýǵa qajetti zattardy satý jańa biznes kózine ainalyp, internette joǵary baǵada satylýda", -deidi depýtat.
D. Muqaevtyń oiynsha balalar bul oiynnan psihologiialyq zardap shegip jatyr.
"Biz bul máseleleniń aldyn almasaq, bildei bir urpaqtan airylý aldynda turmyz. Bala boiyna adamdyq qundylyq uialatýdyń ornyna, keri ketý protsessi alǵa shyqty", -dep otyr depýtat.
Onyń aitýynsha Reseide bul másele boiynsha zań qabyldaý talqylansa, Ózbek halqy ata-anaǵa mindetterin durys oryndamaǵany úshin aiyppul salý máselesi qolǵa alynǵan. Májilismen bizdiń elde de quzyrdy organdar, bul máseleni jan-jaqty zerttep, aldyn-alý sharalary boiynsha keshendi sharalar qabyldaýy tiis dep esepteidi.
