Bir ai buryn turǵyndar araldan taýyp alǵan itbalyq tóli tolyq emdelgennen keiin teńizge jiberildi. Bul týraly Ulttyq qaýipsizdik komitetiniń shekara qyzmeti habarlady.
29 naýryzda Baýtino kentiniń turǵyndary qaýqarsyz qalǵan itbalyq tólin taýyp alǵan bolatyn. Aralda eki kún boiy qaraýsyz jatyp qalǵan jaýnardyń salmaǵy 4 keliden sál ǵana artyq bolyp shyǵady. Qalypty jaǵdaida olardyń salmaǵy 10-12 keliniń arasynda bolýy kerek. Turǵyndardyń dabylyna Kaspii itbalyǵyn zertteý jáne ońaltý ortalyǵynyń mamandary men UQK Shekara qyzmeti departamentiniń Jaǵalaý kúzeti divizionynyń mamandary qulaq asyp, «Qalqan» motorly qaiyǵymen qutqarý operatsiiasyna shyqqan edi.
Qutqarylǵan itbalyq tóli Aqtaý qalasyndaǵy Kaspii itbalyǵyn zertteý jáne ońaltý ortalyǵynda bir ai boiy kútimde bolyp, qaitadan teńizgen jiberildi.
Shekara qyzmeti departamentiniń mamandary «Bekire» operatsiiasy sheńberinde tek bir táýlik ishinde brakoner aýynan 6 itbalyq pen kóp mólsherdegi bekire tuqymdas balyq qutqarylǵanyn aitady.
«Brakonerler itbalyqtardy qara bazarda satý úshin ustaidy.
