Qazaqstan Respýblikasy Úkimetiniń qaýlysymen Memlekettik shekarany qorǵaýǵa azamattardy tartý qaǵidalary ózgerdi. "Ult aqparat" qaýlynyń tolyq mátinin jariialaidy.
***
«Shekaralyq keńistik sheginde Qazaqstan Respýblikasynyń Memlekettik shekarasyn qorǵaýǵa azamattardy tartý qaǵidalaryn bekitý týraly» Qazaqstan Respýblikasy Úkimetiniń 2013 jylǵy 27 tamyzdaǵy №866 qaýlysyna ózgeris engizý týraly Qazaqstan Respýblikasynyń Úkimeti QAÝLY ETEDI:
1. «Shekaralyq keńistik sheginde Qazaqstan Respýblikasynyń Memlekettik shekarasyn qorǵaýǵa azamattardy tartý qaǵidalaryn bekitý týraly» Qazaqstan Respýblikasy Úkimetiniń 2013 jylǵy 27 tamyzdaǵy№ 866 qaýlysyna (Qazaqstan Respýblikasynyń PÚAJ-y, 2013 j., № 50, 706-qujat) mynadai ózgeris engizilsin: kórsetilgen qaýlymen bekitilgen Shekaralyq keńistik sheginde Qazaqstan Respýblikasynyń Memlekettik shekarasyn qorǵaýǵa azamattardy tartý qaǵidalarynda: 15-tarmaqtyń 4) tarmaqshasy mynadai redaktsiiada jazylsyn:
« 4) Memlekettik shekarany qorǵaýǵa odan ári qatysýyn bolǵyzbaityn mán-jailardyń bastalýy (psihikalyq, minez-qulyqtyq, onyń ishinde psihikaǵa belsendi áser etetin zattardy tutynýǵa bailanysty buzylýshylyqtarynyń (aýrýlarynyń), Qazaqstan Respýblikasynyń Úkimeti bekitken tizbege sáikes ainaladaǵylar úshin qaýip tóndiretin ózge de aýrýdyń anyqtalýy, azamattyń qaitys bolýy);».
2. Osy qaýly alǵashqy resmi jariialanǵan kúninen keiin kúntizbelik on kún ótken soń qoldanysqa engiziledi.
Qazaqstan Respýblikasynyń Premer-Ministri
A. Mamin
