Iri sý-tehnogendik apattardyń aldyn alý boiynsha shekaralas eldermen memleketaralyq komissiia qurýdyń qajettiligi joq. Bul týraly Májilis depýtatynyń resmi saýalyna berilgen QR Premer-Ministr Asqar Maminniń jaýabynda aitylǵan, dep habarlaidy "Ult aqparat".
«Memleketaralyq kózderdiń sý resýrstaryn paidalaný men qorǵaýdy birlesip basqarý salasyndaǵy yntymaqtastyq týraly» Qazaqstan Respýblikasy, Qyrǵyz Respýblikasy, Tájikstan Respýblikasy, Túrikmenstan jáne Ózbekstan Respýblikasy arasyndaǵy kelisimge sáikes (1992 j. 18 aqpan) Ortalyq Aziianyń Memleketaralyq úilestirý sý sharýashylyǵy komissiiasy (MÚSK) quryldy. MÚSK Aral teńizi basseinindegi memleketaralyq kózderdiń sý resýrstaryn basqarý, utymdy paidalaný jáne qorǵaý máselelerin birlesip sheshý jáne taraptardyń alqalylyq jáne múddelerin ózara qurmetteý qaǵidattary negizinde birlesip belgilengen baǵdarlamalardy iske asyrý jónindegi Ortalyq Aziia memleketteriniń óńirlik organy bolyp tabylady. MÚSK otyrysy toqsan saiyn, quryltaishy memleketterdiń birinde kezekpen ótkiziledi», - dedi Úkimet basshysy.
Onyń atap ótýinshe, MÚSK týraly erejeniń 2.16-tarmaǵyna sáikes MÚSK mindetterine memleketaralyq mańyzy bar sý sharýashylyǵy obektilerin paidalanýǵa bailanysty tótenshe jaǵdailar men dúlei zilzalalardyń aldyn alýdyń, habarlaýdyń jáne saldaryn joiýdyń birlesken baǵdarlamalaryn ázirleý máseleleri kiredi.
«Sonymen qatar Sardoba sý qoimasynyń qurylysyn kelisý jaǵdaiynda ózbek tarapy bul máseleni MÚSK otyrysynyń qaraýyna shyǵarǵan joq. Joǵaryda aitylǵandarǵa bailanysty iri sý-tehnogendik apattardyń aldyn alý boiynsha shektes eldermen memleketaralyq komissiia qurýdyń qajettiligi joq. Sonymen qatar Qazaqstan tarapy MÚSK-niń kelesi otyrystary sheńberinde sý qoimalarynyń qaýipsizdigin qamtamasyz etý jóninde sharalar qabyldaýǵa qatysty máselelerge bastamashylyq jasaityn bolady», - dedi Asqar Mamin.
