Memleket basshysy Qasym-Jomart Toqaev elordada ótip jatqan «Parij kelisiminiń maqsattaryna qol jetkizý joldary jáne Qazaqstannyń kómirtegi beitaraptylyǵy» atty halyqaralyq konferentsiiada kórshi elderden keletin transshekaralyq ózenderdiń problemasyn kóterdi, dep habarlaidy QazAqparat.
«BUU málimetteri boiynsha, jahandyq jylyný men antropogendik áserge bailanysty 2030 jylǵa qarai álemdik sý tapshylyǵy 40% jetýi múmkin», - dedi Qasym-Jomart Toqaev.
Prezidenttiń aitýyna qaraǵanda, Qazaqstandaǵy sý qaýipsizdigi kóbinese transshekaralyq ózenderdiń gidrologiialyq jáne ekologiialyq jaǵdaiyna bailanysty.
«Búginde shektes elderden keletin sý kóleminiń tómendeýi baiqalady. Bul ózender men kólderdiń tabiǵi sý teńgeriminiń buzylýyna, sondai-aq eldiń birqatar óńirlerindegi ekologiialyq jaǵdaidyń nasharlaýyna alyp kelýde», - degen Memleket basshysy halyqaralyq uiymdardy bul iste qoldaý kórsetýge shaqyrdy.
«BUU týynyń astynda transshekaralyq sý aǵyndaryn qorǵaý jáne paidalaný máselelerin retteitin birqatar halyqaralyq kelisimder qabyldandy. Keńeitilgen dialog pen yntymaqtastyq jolymen halyqaralyq mindettemelerdi is júzinde oryndaý jónindegi kúsh-jigerdi úilestirý qajettigi pisip-jetildi dep oilaimyn. Bul máselede biz seriktester men halyqaralyq qoǵamdastyqtyń qoldaýyna senim artamyz», - dep túiindedi Memleket basshysy.
