مەملەكەت باسشىسى قاسىم-جومارت توقاەۆ ەلوردادا ٶتٸپ جاتقان «پاريج كەلٸسٸمٸنٸڭ ماقساتتارىنا قول جەتكٸزۋ جولدارى جەنە قازاقستاننىڭ كٶمٸرتەگٸ بەيتاراپتىلىعى» اتتى حالىقارالىق كونفەرەنتسييادا كٶرشٸ ەلدەردەن كەلەتٸن ترانسشەكارالىق ٶزەندەردٸڭ پروبلەماسىن كٶتەردٸ, دەپ حابارلايدى قازاقپارات.
«بۇۇ مەلٸمەتتەرٸ بويىنشا, جاھاندىق جىلىنۋ مەن انتروپوگەندٸك ەسەرگە بايلانىستى 2030 جىلعا قاراي ەلەمدٸك سۋ تاپشىلىعى 40% جەتۋٸ مٷمكٸن», - دەدٸ قاسىم-جومارت توقاەۆ.
پرەزيدەنتتٸڭ ايتۋىنا قاراعاندا, قازاقستانداعى سۋ قاۋٸپسٸزدٸگٸ كٶبٸنەسە ترانسشەكارالىق ٶزەندەردٸڭ گيدرولوگييالىق جەنە ەكولوگييالىق جاعدايىنا بايلانىستى.
«بٷگٸندە شەكتەس ەلدەردەن كەلەتٸن سۋ كٶلەمٸنٸڭ تٶمەندەۋٸ بايقالادى. بۇل ٶزەندەر مەن كٶلدەردٸڭ تابيعي سۋ تەڭگەرٸمٸنٸڭ بۇزىلۋىنا, سونداي-اق ەلدٸڭ بٸرقاتار ٶڭٸرلەرٸندەگٸ ەكولوگييالىق جاعدايدىڭ ناشارلاۋىنا الىپ كەلۋدە», - دەگەن مەملەكەت باسشىسى حالىقارالىق ۇيىمداردى بۇل ٸستە قولداۋ كٶرسەتۋگە شاقىردى.
«بۇۇ تۋىنىڭ استىندا ترانسشەكارالىق سۋ اعىندارىن قورعاۋ جەنە پايدالانۋ مەسەلەلەرٸن رەتتەيتٸن بٸرقاتار حالىقارالىق كەلٸسٸمدەر قابىلداندى. كەڭەيتٸلگەن ديالوگ پەن ىنتىماقتاستىق جولىمەن حالىقارالىق مٸندەتتەمەلەردٸ ٸس جٷزٸندە ورىنداۋ جٶنٸندەگٸ كٷش-جٸگەردٸ ٷيلەستٸرۋ قاجەتتٸگٸ پٸسٸپ-جەتٸلدٸ دەپ ويلايمىن. بۇل مەسەلەدە بٸز سەرٸكتەستەر مەن حالىقارالىق قوعامداستىقتىڭ قولداۋىنا سەنٸم ارتامىز», - دەپ تٷيٸندەدٸ مەملەكەت باسشىسى.
