© Sputnik / Valerii Melnikov
Qazaqstan men Resei mamandary shekaralas aimaqta qaýipti virýstar tapty. Bul týraly Densaýlyq saqtaý ministrliginiń sanitarlyq-epidemiologiialyq baqylaý komiteti habarlady, dep jazady Sputnik Qazaqstan.
Resmi málimetke sáikes, 2021 jyly qazaqstandyq jáne reseilik mamandar halyqaralyq yntymaqtastyq aiasynda alǵash ret Shyǵys Qazaqstan oblysynyń aýmaǵynda Katonqaraǵai ulttyq parkinde epizootologiialyq zertteý jumystaryn júrgizgen. Park Taýly Altai oba oshaǵymen shektesedi.
"Zertteý qorytyndysy boiynsha PTR ádisimen búirek sindromy bar gemorragiialyq qyzbanyń ainalymy, sondai-aq psevdotýberkýlez jáne leptospiroz qozdyrǵyshtaryna antideneleri bar kemirgishter anyqtaldy. Birlesken zertteýler júrgizý jónindegi josparlar 2022 jyly jalǵasady", - delingen resmi habarlamada.
Budan bólek, Edil-Oral qumdy oba oshaǵynyń aýmaǵyn birlesken epizootologiialyq zertteý shararalary atqaryldy.
"Qazaqstannyń barlyq óńirindegi asa qaýipti infektsiialar oshaqtarynda shekaralas memleketterdiń ǵalymdarymen birlesip atqarylatyn keshendi jumys pen monitoring biologiialyq qaterlerge jedel den qoiýǵa jáne olardyń aldyn alýǵa, sondai-aq eldegi turaqty ahýaldy saqtaýǵa múmkindik beredi", - deidi mamandar.
Aita keteri, 2019 jyly Úkimettiń 31 shildedegi № 563 qaýlysymen Densaýlyq saqtaý ministrliginiń obaǵa qarsy Masǵut Aiqymbaev atyndaǵy asa qaýipti infektsiialar ulttyq ǵylymi ortalyǵy qurylǵan bolatyn. Ortalyqtyń 9 stantsiia-filialy bar. Bul - eldegi asa qaýipti infektsiialardy zertteitin jáne olarǵa qarsy áreket etetin jalǵyz ǵylymi uiym.
Ortalyqtyń negizgi maqsaty - eldiń epidemiologiialyq qaýipsizdigin saqtaý, alańdaýshylyq týǵyzatyn aimaqtarǵa monitoring jasaý men zertteýdiń ǵylymi negizderin zerdeleý, adamdar men janýarlar arasynda asa qaýipti infektsiialardyń taralýyna qarsy sharalardyń aldyn alý jáne saqtaý.
